Wulu kɔ nuhua edwɛkɛ ne azo

Bɛdie Gyisɛse Bɛdi Ɔ?

Bɛdie Gyisɛse Bɛdi Ɔ?

Ɛhɛe. Yɛdie Gyisɛse mɔɔ hanle edwɛkɛ ɛhye la yɛdi: “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.” (Dwɔn 14:6) Yɛdie yɛdi kɛ Gyisɛse vi anwuma a rale azɛlɛ ye azo a na ɔvale ye ngoane mɔɔ ɔdi munli la ɔyɛle ɛkpɔnedeɛ. (Mateyu 20:28) Ye ewule nee ye ewudwazo ne maa menli mɔɔ die ye di la kola nyia dahuu ngoane. (Dwɔn 3:16) Eza yɛdie yɛdi kɛ kɛkala Gyisɛse a le Nyamenle anwuma Belemgbunlililɛ ne mɔɔ ɔnrɛhyɛ ɔbava anzondwolɛ yeara azɛlɛ ye azo la Belemgbunli a. (Yekile 11:15) Noko akee, yɛnzu edwɛkɛ ɛhye mɔɔ Gyisɛse hanle la anwo kpolera: “Selɛ ne . . . ɔle kpole ɔtɛla me.” (Dwɔn 14:28) Yemɔti yɛnzonle Gyisɛse, ɔluakɛ yɛnlie yɛnli kɛ ɔdaye a ɔle Nyamenle Tumivolɛ Bedevinli ne a.