Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Duzu Ati A Bɛkɔ Menli Mɔɔ Kɔ Asɔne La Ɛkɛ A?

Duzu Ati A Bɛkɔ Menli Mɔɔ Kɔ Asɔne La Ɛkɛ A?

Yɛnwu kɛ menli mɔɔ kɔ asɔne la anye die kɛ bɛbazuzu ninyɛne mɔɔ wɔ Baebolo ne anu la anwo. Yɛbu awie biala mɔɔ ye diedi nee yɛ ɛdeɛ ne ɛnle ko la, yemɔti yɛnva yɛ edwɛkɛ ne yɛntinlitinli bɛ nwo zo.

Saa yɛlɛka asɔne nwo edwɛkɛ a, yɛbɔ mɔdenle kɛ yɛfa Baebolo nu edwɛkɛ ne mɔɔ se “anrɛɛ bɛva bɛtɛɛyɛlɛ” na “yɛbu menli gyɛne” la yɛdi gyima. (1 Pita 3:15, 16) Yɛze kɛ bie mɔ ɛnrɛdie yɛ. (Mateyu 10:14) Noko akee, saa yɛ nee menli dumua tendɛ a yɛɛ yɛnwu kɛzi bɛte nganeɛ a. Eza yɛze kɛ tɛnlabelɛ mɔɔ menli wɔ nu la kola kakyi.

Kɛ neazo la, bie a kenle zɔhane ɛnee ahenle ɛnlɛ alagye noko ɔ nye balie kɛ ɔ nee yɛ babɔ adawu kenle fofolɛ. Ɔyɛ a menli yia tɛnlabelɛ anzɛɛ ngyegyelɛ fofolɛ mɔɔ ɔwɔ kɛ bɛdi nwolɛ gyima, na ɛhye maa bɛ nye die Baebolo ne anwo. Yemɔti yɛbɔ mɔdenle kɛ yɛ nee menli bali adwelie fane dɔɔnwo.