Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Asoo Dasevolɛ Bie Bahola Ahwe Ɔ Nwo Avi Gyihova Alasevolɛ Anwo?

Asoo Dasevolɛ Bie Bahola Ahwe Ɔ Nwo Avi Gyihova Alasevolɛ Anwo?

Ɛhɛe. Awie bahola alua ndenle nwiɔ azo ahwe ɔ nwo avi yɛ ahyehyɛdeɛ ne anwo:

  • Ɔbaha anzɛɛ ɔbahɛlɛ nwolɛ kɛlata. Awie bahola aha anzɛɛ ahɛlɛ kɛlata yeava yeala kpɔkɛ mɔɔ yezi kɛ ɔngulo kɛ ɔyɛ Gyihova Dasevolɛ bieko la ali.

  • Ɔbalua ye nyɛleɛ zo. Awie bahola ayɛ debie mɔɔ bahile kɛ ɔkulo kɛ ɔtwe ɔ nwo ɔfi Gyihova Alasevolɛ anwo. (1 Pita 5:9) Kɛ neazo la, bie a ɔbava ɔ nwo yeabeta ɛzonlenlɛ fofolɛ bie anwo na yeamaa yeala ali kɛ ɔbahɔ zo yeaboka bɛ nwo.​​—1 Dwɔn 2:19.

Saa awie gyakyi daselɛlilɛ anzɛɛ bɛ ayia ne mɔ ɛhɔlɛ noko ɛ? Bɛbu sonla zɔhane kɛ yehwe ɔ nwo ɔ?

Kyɛkyɛ, yɛmbu ye zɔ. Ngakyile wɔ awie mɔɔ ɛhwe ɔ nwo ɛvi yɛ nwo nee awie mɔɔ ye diedi ɛha aze la anu. Fane dɔɔnwo ne ala, menli bie mɔ ɛmbɔ bɛ nwo mɔdenle wɔ bɛ ɛzonlenlɛ nu anzɛɛ gyakyi ye bɔkɔɔ ɔluakɛ bɛ sa nu ɛdo na tɛ kɛ asɛɛ bɛkpo bɛ diedi ne. Yɛmkpo menli ɛhye mɔ, emomu yɛbɔ mɔdenle yɛkyekye bɛ rɛle na yɛboa bɛ. (1 Tɛsalonaekama 5:14; Dwuudu 22) Saa ahenle hyia moalɛ a, yɛboa ye wɔ sunsum nu. Asafo nu mgbanyima ne mɔ a dimoa wɔ ɛhye ɛyɛlɛ nu a.​​—Galeehyeama 6:1; 1 Pita 5:1-3.

Noko akee, mgbanyima ne mɔ ɛtinlitinli awie kɛ ɔhɔ zo ɔyɛ Gyihova Dasevolɛ. Awie biala lɛ nwolɛ adenle kpa ɛzonlenlɛ mɔɔ ɔkulo la. (Dwɔhyua 24:15) Yɛdie yɛdi kɛ ɔwɔ kɛ ɛzonlenlɛ mɔɔ menli fa maa Nyamenle la fi bɛ ahonle nu.​​—Edwɛndolɛ 110:3; Mateyu 22:37.