Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Bɛle America Ɛzonlenlɛ Eku Bie Ɔ?

Bɛle America Ɛzonlenlɛ Eku Bie Ɔ?

Yɛ gyima ne ati wɔ United States, America. Noko akee yɛnle America ɛzonlenlɛ eku bie ɔluakɛ:

  • Bie mɔ kilehile nu kɛ ɛzonlenlɛ eku a le eku mɔɔ ɛkpɔkye ɛvi ɛzonlenlɛ mɔɔ bɛhyehyɛ bɛzie ɛkɛ ne dɛba anwo la. Gyihova Alasevolɛ amkpɔkye anvi ɛzonlenlɛ biala anwo. Emomu, ɛvoya mɔɔ lumua la anu Keleseɛne ɛzonlenlɛ ne a yɛva yɛzie ɛkɛ ne bieko a.

  • Gyihova Alasevolɛ bɔ edwɛkpa ne nolo anyebolo zo wɔ azɛlɛ nee maanle mɔɔ bo 230 la azo. Ɔnva nwo ɛleka mɔɔ yɛde la, yɛfa yɛ ɛzonlenlɛ ne amuala yɛmaa Gyihova Nyamenle nee Gyisɛse Kelaese, tɛ U.S. arane ne anzɛɛ arane gyɛne biala.—Dwɔn 15:19; 17:15, 16.

  • Yɛ ngilehilelɛ ne amuala gyi Baebolo ne azo, ɔngyi United States ɛzonlenlɛ kpanyinli bie edwɛkɛ mɔɔ yehɛlɛ la azo.​—1 Tɛsalonaekama 2:13.

  • Yɛdi Gyisɛse Kelaese anzi, yɛnli dasanli biala anzi.​—Mateyu 23:8-10.