Wulu kɔ nuhua edwɛkɛ ne azo

Gyihova Alasevolɛ Debiezukoalɛ Ne Mɔ

Sukoa yɛ debiezukoalɛ ne anwo debie. Kpondɛ ɛleka mɔɔ bikye wɔ la.

Baebolo Ɛdendɛlɛ Titili: Wɔ March anu, bɛbamaa ɛdendɛlɛ titili bie wɔ Gyihova Alasevolɛ asafo ne mɔ amuala anu. Ɛdendɛlɛ ne ati se “Asoo Wɔnwu ‘Avikpa Mɔɔ Ye Bolɛ Yɛ Se La’? Ɛdendɛlɛ ɛhye bahilehile Gyisɛse ndonwo ne mɔ anu nwiɔ anu na yeahile kɛzi yɛbahola yɛava ɛzukoalɛdeɛ mɔɔ wɔ nu la yeayɛ gyima wɔ yɛ ɛbɛlabɔlɛ nu la.

Coronavirus (COVID-19) Nwo Edwɛkɛ: Ɔlua ewulenzane ne ati yɛdua telefonu anzɛɛ video conference zo a yɛyɛ yɛ ayia ne mɔ a. Saa ɛkulo kɛ ɛnwu kɛzi ɛbahola wɔadie bie la a, biza Gyihova Alasevolɛ ne mɔ anu ko anzɛɛ tinli sɛkɛlɛneɛ ne mɔɔ wɔ ɔ bo ɛke la azo.

Kpondɛ Ɛleka Mɔɔ Bikye Wɔ (opens new window)

Duzu A Kɔ Zo Wɔ Yɛ Ayia Bo A?

Dapɛne biala Gyihova Alasevolɛ yia nu sonle fane nwiɔ. (Hibuluma 10:24, 25) Wɔ ayia ɛhye mɔ mɔɔ maanlema kola ba bie la abo, yɛsuzu mɔɔ Baebolo ne ka nee kɛzi yɛbahola yɛava ye ngilehilelɛ ne yɛabɔ yɛ ɛbɛla la anwo.

Yɛ ngilehilelɛ ne dɔɔnwo le adawubɔlɛ mɔɔ tievolɛma kola ka bie kɛmɔ bɛyɛ ye sukulu nu la. Bɛfa edwɛne nee asɔneyɛlɛ bɛbɔ ayia ɛhye mɔ abo na eza bɛava bɛawie.

Ɔngyia kɛ ɛyɛ Gyihova Alasevolɛ ne mɔ anu ko na wɔara yɛ ayia ne mɔ bie. Yɛto ɛsalɛ yɛfɛlɛ awie biala kɛ ɔrɛla bie. Mbia wɔ ɛkɛ maa awie biala. Bɛnlielie ezukoa wɔ ɛkɛ.