Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Ɛnee Mekɛlɛ Mefea Milahyinli Mɔɔ Bɛfa Bɛkpo Ninyɛne La Abo

Ɛnee Mekɛlɛ Mefea Milahyinli Mɔɔ Bɛfa Bɛkpo Ninyɛne La Abo

Bɛzɔnenle Zarina kɛ Gyihova Dasevolɛ la, ɔvile Russia ɔziale ɔrale ye sua zo wɔ Central Asia. Ɔvale ɔziele ɔ nye zo kɛ ɔboa ɔ mra mraalɛ nwiɔ ne yeamaa bɛanwu ye diedi ne. Kɛ mɔɔ ɛnee ye ezukoasɛm ɛnle kpalɛ la ati, ɔ nee ye awovolɛ, ɔ diema nrenyia nee ɔ ye dɛnlanle sua ko anu. Ye awovolɛ bɔle ye kɔkɔ kɛ ɔmmakilehile ɔ mra ne mɔ Baebolo ne anu nɔhalɛ ne. Eza bɛhanle bɛhilele ngakula ne mɔ kɛ bɛ nee bɛ mame mmaka Baebolo ne anwo edwɛkɛ biala.

Zarina dwenlenle kɛzi ɔbaboa ɔ mra ne mɔ yeamaa bɛazukoa Gyihova anwo debie la anwo kpalɛ. (Mrɛlɛbulɛ 1:8) Yemɔti ɔyɛle asɔne ɛsesebɛ na ɔzɛlɛle Gyihova kɛ ɔmaa ye adehilelɛ nee nrɛlɛbɛ. Akee Zarina yɛle ye asɔneyɛlɛ ne anwo gyima. Ɛnee saa ɔ nee ɔ mra ne mɔ ɛlɛkɔ akpɔsa a, ɔ nee bɛ di kɛzi abɔdeɛ yɛ nwanwane la anwo adwelie. Mekɛ ekyi ɛhye mɔɔ ɔnyianle ɔmaanle ngakula ne mɔ la maanle bɛnyianle Bɔvolɛ ne anwo ɛlɔlɛ.

Akee Zarina kpondɛle adenle luale zo maanle anyelielɛ ne yɛle kpole ɔlua Duzu A Baebolo Ne Kilehile Amgba A? * buluku ne azo. Ɔhɛlɛle ɛdendɛkpunli ne mɔ yɛɛ kpuya ne mɔ pɛpɛɛpɛ wɔ ngɛlata zo. Akee ɔvale ɛdendɛmunli gyɛne ekyi mɔɔ bamaa bɛade edwɛkɛ ne abo kpalɛ la ɔbokale nwo. Ɔvale ngɛlata ne mɔ yɛɛ pɛnsele ɔveale milahyinli mɔɔ bɛfa bɛkpo ninyɛne la abo wɔ abialeɛ ne. Saa ngakula mraalɛ ne mɔ wɔ sua ne anu a, bɛkenga ɛdendɛkpunli ne na bɛahɛlɛ bɛ mualɛ ne mɔ.

Zarina luale adenle ɛhye azo ɔ nee ɔ mra mraalɛ ne mɔ zukoale Baebolo Kilehile buluku ne adile nwiɔ, nzinlii bɛdabɛ menli nsa ne hɔdɛnlanle ɛleka fofolɛ. Wɔ ɛkɛ ne, ɔnyianle adenle ɔtetele ɔ mra mraalɛ ne mɔ mɔɔ awie biala angyegye ye a. Wɔ October 2016, bɛzɔnenle ngakula mraalɛ nwiɔ ne. Ɔyɛ anyelielɛ kɛ bɛ mame luale nrɛlɛbɛ adenle zo ɔmaanle bɛnyianle sunsum nu aleɛ la.

^ ɛden. 4 Kɛkala menli dɔɔnwo fa Duzu A Baebolo Ne Kola Kilehile Yɛ A? ne a di gyima a.