Wulu kɔ nuhua edwɛkɛ ne azo

Ɔfese Nee Ɛkɛ Ne Akpɔsahɔlɛ Nwo Edwɛkɛ

Yɛto ɛsalɛ yɛavɛlɛ wɔ kɛ ɛrɛla akpɔsa wɔ yɛ ɔfese ne mɔ nee ɛleka mɔɔ yɛyɛ yɛ mbuluku ne mɔ la. Kpondɛ ɛleka nee mekɛ mɔɔ bɛfa bɛkɔ akpɔsa wɔ ɛkɛ la.

Ɔlua Coronavirus (COVID-19) Ne Ati Yɛ Ɛhye Nzonlɛ: Wɔ maanle dɔɔnwo anu, yɛmaa bɛgyakyi yɛ ɔfese ne mɔ anu akpɔsahɔlɛ. Saa ɛkpondɛ nwolɛ edwɛkɛ dɔɔnwo a, ɛ nee ɔfese ne mɔɔ ɛkulo kɛ ɛkɔ ɛkɛ la ɛli ngitanwo.

Slovenia

Akpɔsahɔlɛ Nwo Nolobɔlɛ

Ɔwɔ kɛ ɛdimoa ɛsɛlɛ adenle kolaa na wɔara akpɔsa ɔ? Ɛhɛe. Amaa menli ne angyele zo na awie biala anye alie akpɔsahɔlɛ ne anwo la, ɔnva nwo kɛzi menli ne dodo de la, ɔwɔ kɛ nyɛvolɛ dimoa biza nwolɛ adenle kolaa na bɛara.

Saa wɔanlimoa wɔambiza adenle a, ɛbahola wɔahɔ akpɔsa ne ɔ? Saa wɔanlimoa wɔambiza nwolɛ adenle ne a, bie a yɛnrɛhola yɛnrɛva wɔ yɛnrɛhɔ akpɔsa ne. Ɔluakɛ ɛleka ne ɛnle kpole somaa la ati, menli dodo bie ala a bahola ara akpɔsa kenle ko biala a.

Mekɛ boni a ɔwɔ kɛ ɛdwu ɛkɛ na wɔahɔ akpɔsa ne a? Amaa wɔabɔ wɔ akpɔsahɔlɛ ne abo wɔ ye mekɛ nloa la, yɛsɛlɛ wɔ yeanyɛ boɛ fee la dwu ɛkɛ ne mitini 10 kolaa na yeadwu zo.

Kɛzi ɛbabiza akpɔsahɔlɛ nwo adenle ɛ? Tinli “Biza Akpɔsahɔlɛ Nwo Adenle” azo.

Ɛbahola wɔayɛ nzenzaleɛ anzɛɛ wɔapɛ akpɔsahɔlɛ bie anu ɔ? Ɛhɛe. Tinli “Nea Anzɛɛ Yɛ Nzenzaleɛ Wɔ Akpɔsahɔlɛ Ne Anu” azo.

Saa akpɔsahɔlɛ nwo ngyehyɛleɛ biala ɛnle ɛkɛ wɔ mekɛ mɔɔ ɛkpale la ɛ? Kɔ wɛbsaete ne azo dahuu. Saa awie mɔ yɛ nzenzaleɛ anzɛɛ bɛpɛ bɛ akpɔsahɔlɛ nu a, ɔmaa akpɔsahɔlɛ nwo adenle bada ɛkɛ.

Twe Akpɔsahɔlɛ Nwo Buluku

Ninyɛne Mɔɔ Bɛfa Bɛahile

Nyɛvolɛ anye balie edwɛkɛ mɔɔ fale kɛzi bɛyɛle Slovenia Baebolo ne anwo la anwo kpalɛ. Eza bɛbanwu kɛzi bɛva Nyamenle duma ne bɛli gyima wɔ Beabolo ne nee mbuluku ngagyile nu wɔ Slovenia aneɛ nu ɔvi mekɛ tendenle la wɔ ɛkɛ.

Adelɛse Nee Fonu Nɔma

Groharjeva ulica 22

SI-1241 KAMNIK

SLOVENIA

+386 1-83-03-600