Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Bɛ Nwo Edwɛkɛ Nwo Banebɔlɛ Ngyehyɛleɛ

Bɛ Nwo Edwɛkɛ Nwo Banebɔlɛ Ngyehyɛleɛ

Ɔlua ngyinlazo mɔɔ wɔ Baebolo ne anu la ati Gyihova Alasevolɛ ahyehyɛdeɛ ne bu nwolɛ adenle mɔɔ awie biala lɛ wɔ ye fealeranu edwɛkɛ nwo la kpalɛ. Ahyehyɛdeɛ ne ze ye kɛ adwelielilɛ mɔɔ anu la ɛkɛ, ɛ nwo edwɛkɛ anzɛɛ wɔ fealeranu edwɛkɛ mɔɔ ɔ sa baha ye la anwo hyia amaa yeali Gyihova Alasevolɛ ngyianlɛ, ye ɛzonlenlɛ nee moalɛ nwo gyima mɔɔ ɔyɛ nee ɛzonlelilɛ mɔɔ boka nwo kɛ ɔbahɔ zo yeali nɔhalɛ na yeanlea kɛ ɔbabɔ wɔ edwɛkɛ ne anwo bane kpalɛ la anwo gyima. (Mrɛlɛbulɛ 15:22; 25:9) Fealeranu edwɛkɛ mɔɔ bɛbɔ nwolɛ bane la anwo hyia ye kpalɛ.​—Mrɛlɛbulɛ 20:19.

Maanle dɔɔnwo ɛyɛ mɛla mɔɔ bɔ nwolɛ adenle mɔɔ menli lɛ ye wɔ bɛ fealeranu edwɛkɛ nwo la anwo bane. Kolaa na bayɛ fealeranu edwɛkɛ nwo banebɔlɛ mɛla ne bɔbɔ la, ɛnee Gyihova Alasevolɛ ahyehyɛdeɛ ne kile ɛbulɛ kpole maa fealeranu edwɛkɛ. Gyihova Alasevolɛ ahyehyɛdeɛ ne bahɔ zo abɔ fealeranu edwɛkɛ ɛhye mɔɔ bɛva bɛmaa ye la anwo bane kpalɛ kɛ mɔɔ bɛyɛ ye dɛba na bɛhɛlɛ bɛdo ɛkɛ wɔ mɛla ɛhye anu la.

Ɛleka Mɔɔ Ɔyɛ Gyima Ɔdwu La

Mɛla ɛhye yɛ gyima wɔ Gyihova Alasevolɛ ahyehyɛdeɛ ne amuala anu mɔɔ ɔfese ngakyile ne mɔ mɔɔ wɔ ewiade amuala gyi ɛkɛ ne maa ye la.

Bɛ Nwo Edwɛkɛ Nwo Banebɔlɛ

Gyihova Alasevolɛ ahyehyɛdeɛ ne dua ngyinlazo ɛhye mɔ azo a ɔfa ɛ nwo edwɛkɛ ne ɔdi gyima a:

  1. Ɔbava ɛ nwo edwɛkɛ ne yeali gyima wɔ mɛla adenle zo mɔɔ edwɛkɛ biala ɛnle nwo a.

  2. Ɔbava ɛ nwo edwɛkɛ ne yeali gyima wɔ adenle mɔɔ baboa Gyihova Alasevolɛ ɛzonlenlɛ gyima ne nee moalɛ nwo gyima mɔɔ ɔyɛ la ala.

  3. Ɛ nwo edwɛkɛ ne bayɛ pɛpɛɛpɛ yɛɛ ɔbanlea kɛ ɔle ye mekɛ nu ɛdeɛ. Saa ahyehyɛdeɛ ne te kɛ nvonleɛ wɔ nwo a, ɔbahakyi ye ndɛndɛ.

  4. Ɔbava ɛ nwo edwɛkɛ ne yeazie wɔ mekɛ tendenle mɔɔ ahyehyɛdeɛ ne bahyia nwo la.

  5. Ɔbahile ɛbulɛ kpalɛ yeamaa fanwodi mɔɔ menli ne lɛ ye la.

  6. Yɛbalua ahyehyɛdeɛ ne ngyehyɛleɛ zo yeabɔ edwɛkɛ biala mɔɔ fale ɛ nwo la anwo bane amaa menli mɔɔ mɛla ɛtɛmaanle bɛ adenle la asa anga ye. Bɛva password bɛdo kɔmpita biala mɔɔ ɛ nwo edwɛkɛ wɔ zo la azo ɔti menli mɔɔ bɛmaa bɛ adenle ala la a kola fa di gyima a. Bɛkpɔne gyima a bɛtoto ɔfese ne mɔ anu yɛɛ menli mɔɔ lɛ adenle la ala a kola wolo ɛkɛ ne a.

  7. Bɛnrɛva edwɛkɛ biala mɔɔ fale ɛ nwo la bɛnrɛmaa ɔfese gyɛne kyesɛ bɛfa bɛayɛ yɛ ɛzonlenlɛ ne anwo debie anzɛɛ bɛfa bɛaboa moalɛ gyima mɔɔ Gyihova Alasevolɛ ahyehyɛdeɛ ne ɛlɛyɛ mɔɔ Gyihova Alasevolɛ kɔsɔɔti ɛlie ɛdo nu ɔlua bɛ ɛhulolɛ nu mɔɔ bɛvi bɛlie bɛdo nu kɛ bɛle Gyihova Alasevolɛ ne mɔɔ anu ko la azo.

Ɛ Nwo Edwɛkɛ Nwo Adenle Mɔɔ Ɛlɛ La

  1. Bɛbava nwolɛ adenle mɔɔ bɔ ɛ nwo edwɛkɛ anzɛɛ wɔ fealeranu edwɛkɛ nwo bane la bamaa wɔ yɛɛ ɛbahola wɔahakyi anzɛɛ wɔakyikyi ɛ nwo edwɛkɛ anzɛɛ wɔ fealeranu edwɛkɛ bie kɛ mɔɔ bɛha nwolɛ edwɛkɛ wɔ Gyihova Alasevolɛ ngyehyɛleɛ ɛhye anu la.

  2. Awie biala mɔɔ babiza ɛhye anwo adenle kɛ mɔɔ bɛha nwolɛ edwɛkɛ wɔ ɛke la ɔwɔ kɛ kola kile ɔ nwo kpalɛ.

  3. Saa awie biza kɛ ɔkakyi anzɛɛ ɔkyikyi ɔ nwo edwɛkɛ bie a, ahyehyɛdeɛ ne bazuzu ninyɛne nwo kpalɛ kolaa na yeamaa ye adenle yeamaa yeahakyi anzɛɛ yeakyikyi ɔ nwo edwɛkɛ biala saa ɔnrɛtia ahyehyɛdeɛ ne mɛla, yɛɛ akee saa mɔɔ yebiza la ɛnrɛzɛkye ahyehyɛdeɛ ne fanwodi nee ngyehyɛleɛ a.

  4. Ahyehyɛdeɛ ne lɛ ɛhulolɛ kɛ ɔbava ɛ nwo edwɛkɛ ne yeazie dahuu wɔ mekɛ tendenle mɔɔ ɛle Gyihova Dasevolɛ la. Ɛkyikyi edwɛkɛ zɛhae a ɔkile kɛ wɔtietia ahyehyɛdeɛ ne diedi nee ye ngyehyɛleɛ ne azo.

Ɛlɛ Adenle Ɛkɛlɛ

Saa awie te nganeɛ kɛ bɛtietia ye fanwodi zo a, ɔbahola yeahɛlɛ yeahɔmaa Ɔfese Kɔmatii mɔɔ wɔ ye maanle ne anu la. Ɛnwu ye kɛ bɛtietia wɔ fanwodi zo a, ɔwɔ kɛ ɛkɛlɛ kɛlata ne kolaa na dapɛne nwiɔ adwu.