Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Fealeranu Nee Cookies Nwo Edwɛkɛ

Fealeranu Nee Cookies Nwo Edwɛkɛ

Gyihova Alasevolɛ ahyehyɛdeɛ ne bu adenle mɔɔ awie biala lɛ kɛ ɔnle kɛ bɛnwu ye fealeranu edwɛkɛ la kpalɛ. Saa ɛkpondɛ kɛ ɛnwu Bɛ Nwo Edwɛkɛ Nwo Banebɔlɛ Ngyehyɛleɛ mɔɔ ahyehyɛdeɛ ne lɛ la a, tinli ɛke.

Bɛ Nwo Edwɛkɛ Nwo Banebɔlɛ Ngyehyɛleɛ ne kile kɛzi Gyihova Alasevolɛ ahyehyɛdeɛ ne fa awie anwo edwɛkɛ di gyima la. Eza bɛhile adehilelɛ bie mɔ mɔɔ fale wɛbsaete ɛhye anwo la wɔ ɔ bo ɛke.

Wɛbsaete ɛhye le Watchtower Bible and Tract Society of New York, Inc. (“Watchtower”) ne ɛdeɛ. Bɛnlua kɔmpɛlɛ ɛhye mɔɔ wɔ New York la azo bɛkpondɛ nvasoɛ emomu bɛfa bɛboa Gyihova Alasevolɛ nee bɛ Baebolo ngilehilelɛ gyima ne. Servers mɔɔ boa wɛbsaete ɛhye la bie mɔ wɔ United States of America.

Bɛ Nwo Edwɛkɛ

Bɛfa ɛ nwo edwɛkɛ mɔɔ ɛbalua wɛbsaete ɛhye azo wɔava wɔamaa la bɛdi bodane mɔɔ bɛhilele wɔ na ɔti ɛvale ɛmaanle la angomekye anwo gyima.

Yɛnva ɛ nwo edwɛkɛ yɛmmaa awie biala kyesɛ ɔhyia kɛ yɛyɛ zɔ amaa yɛahola yɛayɛ debie mɔɔ ɛkpondɛ, yɛlimoa yɛbɔ wɔ amaneɛ, anzɛɛ yɛdie yɛdi kɛ ɔhyia kɛ yɛyɛ zɔ yɛfa yɛdi mɛla zo anzɛɛ ɔwɔ kɛ yɛfa yɛmaa wɔ mekɛ mɔɔ mgbanyima mɔɔ nea mɛla ne azo ɛlɛdie anzɛɛ amaa yɛanwu nwulema na yɛava yɛabɔ awie mɔ anwo bane. Saa ɛfa wɛbsaete ɛhye ɛdi gyima a, ɔkile kɛ ɛdie ɛto nu kɛ saa mɔɔ yɛha nwolɛ edwɛkɛ la bie si a yɛva ɛ nwo edwɛkɛ ne yɛmaa kɛ mɔɔ yɛhile la. Yɛndɔne ɛ nwo edwɛkɛ, yɛnva yɛnli gua anzɛɛ yɛnhaye awie.

Third Party Vendors (Ahyehyɛdeɛ Gyɛne Mɔɔ Yɛ Nee Bɛ Yɛ Gyima). Ɔdwu mekɛ ne bie a ɛbanwu link bie mɔ wɔ wɛbsaete ɛhye azo mɔɔ fa wɔ kɔ ɛleka gyɛne mɔɔ yɛva bɛ kɛ bɛyɛ gyima bɛmaa yɛ la (kɛ neazo la saa ɛlɛhyehyɛ form bie wɔ yintanɛte ne azo a). Ɔba ye zɔ a, ɛbanwu kɛ wɔvi yɛ wɛbsaete ne azo ɔluakɛ ɛbanwu kɛ ɛleka mɔɔ wɔhɔ la le ngakyile yɛɛ edwɛkɛ mɔɔ wɔ wɔ browser ne adelɛse ɛleka ne la bahakyi. Saa yɛkpa ahyehyɛdeɛ zɛhae mɔ bie, kɛ mɔɔ ɔwɔ nu a yɛyɛ ye la a, ɔvi mekɛ mɔɔ kɔ mekɛ la, yɛnea kɛ kɛzi bɛbɔ awie anwo edwɛkɛ nwo bane nwo ngyehyɛleɛ mɔɔ bɛlɛ la nee yɛ ngyinlazo ne mɔ le ko. Saa ɛlɛ ahyehyɛdeɛ zɛhae mɔ mɔɔ ɔyɛ a yɛ nee bɛ yɛ gyima la ngyehyɛleɛ ne mɔ bie anwo kpuya a, nea bɛ ngyehyɛleɛ ne anwo edwɛkɛ mɔɔ wɔ bɛ wɛbsaete ne azo la.

Banebɔlɛ

Yɛbɔ ɛ nwo edwɛkɛ mɔɔ ɛbava wɔamaa yɛ la anwo bane kpalɛ. Yɛdua ninyɛne mɔɔ le kɛ Transport Layer Security (TLS) mɔɔ kakyi ngɛlɛleramgbɔkɛ na ɔmmaa awie ɛngola ɛngenga la azo yɛbɔ edwɛkɛ mɔɔ ɛlɛfa wɔanwa yɛ la anwo bane. Yɛ kɔmpita ne mɔ wɔ sua mɔɔ tɛ awie biala a kola kɔ ɛkɛ ne la anu, na eza yɛdua banebɔlɛ nwo ngyehyɛleɛ kpalɛ mɔɔ bie wɔ kɔmpita zo la azo yɛbɔ sua ne anwo bane na yɛnea kɛ awie gyɛne ɛnrɛnwu ɛ nwo edwɛkɛ mɔɔ wɔva wɔmaa la na yɛbɔ nwolɛ bane.

Accounts

Yɛbalua e-mail adelɛse ne mɔɔ ɛvale ɛmaanle wɔ mekɛ mɔɔ ɛlɛbuke account wɔ wɛbsaete ɛhye azo la azo yɛ nee wɔ ali wɔ account ne anwo ngitanwo. Kɛ neazo la, saa ɛ rɛle fi duma mɔɔ ɛfa ɛba wɛbsaete ne azo anzɛɛ wɔ password a, yɛbalua wɔ e-mail adelɛse ne azo yɛava moalɛ yɛamaa wɔ.

Ndoboa

Saa ɛye ndoboa wɔ wɛbsaete ɛhye azo a, yɛdie wɔ duma nee edwɛkɛ mɔɔ bamaa yɛ nee wɔ ali ngitanwo mɔɔ bie a le wɔ adelɛse la. Amaa yɛ sa aha ndoboa mɔɔ ɛbalua credit card zo wɔaye la, yɛ nee yintanɛte zo gyima bie mɔ mɔɔ bɛbu bɛ kpalɛ na bɛlɛ banebɔlɛ nwo ngyehyɛleɛ kpalɛ la a yɛ gyima a. Yɛnva wɔ credit card, bank account, nee edwɛkɛ gyɛne mɔɔ yɛbava yɛanwa gyima ɛhye mɔ mɔɔ ɛlɛdi wɔ ndoboa ne anwo gyima la yɛnzie. Ɛleka mɔɔ bɛbalie ezukoa ne la bava edwɛkɛ ɛhye mɔ azie yeanyɛ boɛ fee la ɛvolɛ bulu. Kenle mɔɔ ɛvale ndoboa ne ɛmaanle, ezukoa ne dodo, adenle mɔɔ ɛluale zo ɛvale ɛmaanle la amuala boka nwo. Ɛhye boa ɔmaa yɛdi mgbondabulɛ nwo mɛla zo na yɛbua edwɛkɛ biala mɔɔ bazi wɔ mekɛ zɔhane ne anu. Yɛnrɛvɛlɛ wɔ kɛ ɛva ndoboa bieko ɛrɛlɛ yɛ.

Edwɛkɛ Gyɛne

Ɛbahola wɔava ɛ nwo edwɛkɛ gyɛne (mɔɔ le kɛ wɔ duma, adelɛse, nee telefun nɔma) wɔamaa mɔɔ tɛ kɛ ɛye ndoboa anzɛɛ ɛbuke account la ati ɔ, emomu debie gyɛne (mɔɔ le kɛ ɛkpondɛ Baebolo ɛzukoalɛ). Yɛdie edwɛkɛ ɛhye mɔ yɛsie na yɛfa yɛdi bodane mɔɔ ɔti ɛvale ɛmaanle la anwo gyima kɔkpula kɛ nwolɛ ɛngyia bieko.

Cookies Nee Ninyɛne Gyɛne Mɔɔ Zɔho Cookies

Edwɛkɛ bie mɔ wɔ ɛkɛ ne mɔ saa ɛba yɛ wɛbsaete ne azo ala a ɛnee yɛ sa ɛha ye. Yɛdua “cookies,” “web beacons,” nee gyɛne mɔɔ le kɛ ɛhye mɔ la azo a yɛyɛ ɛhye a. Edwɛkɛ kpɔkɛ cookie mɔɔ yɛva yɛli gyima wɔ fealeranu edwɛkɛ ɛhye anu la anu tɛlɛ na ninyɛne mɔɔ le kɛ “local storage” boka nwolɛ.

Cookies. Ɛhye le kɔmpita zo debie mɔɔ maa wɛbsaete ne nwu wɔ a, na kɛ mɔɔ ɔde wɔ wɛbsaete dɔɔnwo azo la, saa ɛba yɛ wɛbsaete ne azo a edwɛkɛ ekyi mɔɔ bɛfɛlɛ “cookie” la baha wɔ fonu, tabelɛte anzɛɛ kɔmpita ne azo. Yɛlɛ cookies ngakyile mɔɔ yɛ ninyɛne ngakyile na ɔboa ɔmaa ɛkola ɛfa wɛbsaete ne ɛdi gyima kpalɛ a. Yɛbahola yɛalua zo yɛanwu ye saa wɔra wɛbsaete ne azo ɛlɛ anzɛɛ yɛahakye ninyɛne mɔɔ ɛkulo mɔɔ ɛkpale wɔ mekɛ mɔɔ ɛlɛfa wɛbsaete ne wɔali gyima la. Kɛ neazo la, yɛkola yɛfa aneɛ mɔɔ ɛkulo la yɛsie nu amaa saa ɛsia ɛba a yeakpa aneɛ zɔhane ne yeamaa wɔ. Yɛnva cookies yɛmbɔ gualilɛ nwo nolo.

Cookies mɔɔ wɔ yɛ wɛbsaete ne azo la gua ye ekpunli nsa:

  1. Cookies Mɔɔ Nwolɛ Hyia Kpalɛ​—Ɛhye mɔ anwo hyia amaa wɔahola wɔava ninyɛne bie mɔ (mɔɔ le kɛ wɛbsaete ne azo ɛralɛ nee forms ɛhyehyɛlɛ) mɔɔ wɔ yɛ wɛbsaete ne azo la wɔali gyima. Saa ɔnle nu a, ɛnrɛhola ɛnrɛyɛ ninyɛne bie mɔ mɔɔ bie a le ndoboa mɔɔ ɛye wɔ yɛ wɛbsaete ne azo la. Eza ɔboa ɔmaa yɛkola yɛyɛ ninyɛne mɔɔ ɛkɛze kɛ yɛyɛ yɛmaa wɔ wɔ mekɛ mɔɔ ɛlɛfa wɛbsaete ne wɔali gyima la. Noko cookies ɛhye mɔ ɛndwe ɛ nwo edwɛkɛ kɛ yɛfa yɛali gua anzɛɛ yɛahakye yintanɛte ne azo ɛleka gyɛne mɔɔ wɔhɔ la.

  2. Functionality Cookies​—Ɛhye mɔ maa wɛbsaete ne kakye ninyɛne mɔɔ ɛkulo mɔɔ wɔkpa (mɔɔ le kɛ duma mɔɔ ɛfa ɛba zo, aneɛ, anzɛɛ ɛleka mɔɔ ɛwɔ) na ɔboa ɔmaa ɛkola ɛfa wɛbsaete ne ɛdi gyima kpalɛ.

  3. Analytical Cookies​—Bɛfa ɛhye mɔ bɛdie edwɛkɛ mɔɔ maa bɛnwu kɛzi menli ɛlɛfa wɛbsaete ne ali gyima, kɛ neazo la fane dodo mɔɔ menli ba zo anzɛɛ mekɛ tendenle mɔɔ bɛdi ye wɔ zo la. Edwɛkɛ ɛhye mɔ boa ɔmaa bɛyɛ wɛbsaete ne kpalɛ ala.

Cookies ne mɔ bie mɔ wɔ ɛkɛ mɔɔ yɛ wɛbsaete ne ala a fa di gyima a. Bie mɔ wɔ ɛkɛ mɔɔ ahyehyɛdeɛ gyɛne mɔɔ yɛ nee bɛ yɛ gyima la a fa di gyima a. Yɛfa yɛ wɛbsaete ne cookies ɛdeɛ ne a yɛdi gyima a kyesɛ gyɛne mɔɔ vi Google reCAPTCHA ɛkɛ la. Yɛfa Google reCAPTCHA yɛdi gyima amaa yɛanwu ye saa sonla anzɛɛ kɔmpita a ɛlɛfa wɛbsaete ne ali gyima a amaa yɛabɔ yɛ wɛbsaete ne anwo bane. Yɛsɛlɛ wɔ nea Google fealeranu edwɛkɛ ne wɔ https://www.google.com/intl/en/policies/privacy/.

Web Beacons. Ɛhye wɔ yɛ wɛbsaete ne ɛleka ne bie mɔ mɔɔ ɔmaa yɛnwu ninyɛne mɔɔ le kɛ mekɛ mɔɔ ɛkɛhɔ wɛbsaete ne ɛleka bie la. Ɔmaa yɛnwu kɛzi bɛlɛfa wɛbsaete ne bɛali gyima la na yɛnea saa ɔlɛyɛ gyima kpalɛ a.

IP Adelɛse Mɔɔ Bɛfa Bɛdi Gyima. IP adelɛse le nɔma mɔɔ maa bɛnwu wɔ kɔmpita ne wɔ yintanɛte zo. Yɛdua IP adelɛse ne nee browser mɔɔ ɛlɛfa wɔali gyima la azo yɛnwu ngyegyelɛ bie mɔ na yɛdi nwolɛ gyima amaa wɔahola wɔava wɛbsaete ne wɔali gyima kpalɛ.

Wɔ Kpɔkɛzilɛ. Browser dɔɔnwo maa ɛkola ɛnua cookies ne anzɛɛ bɔ wɔ kɔkɔ kolaa na bɛava cookie bie bɛado wɔ milahyinli ne azo. Ɛkulo kɛ ɛnwu ɛhye a nea adehilelɛ mɔɔ wɔ wɔ browser ne anwo la. Noko akee, yɛsɛlɛ wɔ yɛ ye nzonlɛ kɛ saa cookies ɛnle nu a ɛnrɛhola ɛnrɛva ninyɛne bie mɔ mɔɔ wɔ yɛ wɛbsaete ne azo la ɛnrɛli gyima kpalɛ.

Active Scripting Anzɛɛ JavaScript

Yɛdua kɔmpita zo debie mɔɔ bɛfɛlɛ ye Scripting la azo yɛmaa wɛbsaete ne kola yɛ gyima kpalɛ. Deɛ ɛhye maa wɛbsaete ne kola fa edwɛkɛ maa wɔ ndɛndɛ. Yɛnnua zo yɛnva debie yɛngua wɔ kɔmpita zo anzɛɛ yɛnva yɛmkpondɛ ɛ nwo edwɛkɛ mɔɔ ɛtɛmaanle yɛ adenle la.

Ɔdwu mekɛ ne bie a kyesɛ ɛmaa Active scripting anzɛɛ JavaScript adenle wɔ wɔ browser ne azo amaa wɛbsaete ne ɛleka bie mɔ ahola ayɛ gyima kpalɛ. Browser dɔɔnwo kola maa ɛkpa kɛ ɛbamaa deɛ ɛhye adenle anzɛɛ wɔazi ye adenle saa ɛlɛkɔ yintanɛte ne ɛleka bie mɔ a. Nea moalɛ nwo edwɛkɛ mɔɔ wɔ wɔ browser ne azo la amaa wɔanwu kɛzi bɛmaa scripting nwo adenle la.

Adenle Mɔɔ Ɛlɛ

Yɛnlie wɔ ezukoa biala wɔ mekɛ mɔɔ ɛlɛfa wɛbsaete ɛhye wɔali gyima, wɔahwe vidio, anzɛɛ ɔdio ninyɛne la. Ɔnle kyengye kɛ ɔwɔ kɛ ɛbuke account, ɛye ndoboa, anzɛɛ ɛyɛ debie biala mɔɔ ɔbahyia kɛ ɛfa ɛ nwo edwɛkɛ ɛmaa amaa wɔanyia wɛbsaete ɛhye azo nvasoɛ la. Noko akee, saa ɛfi wɔ ɛhulolɛ nu ɛbuke account, ɛye ndoboa, ɛbiza Baebolo ɛzukoalɛ nwo adenle, anzɛɛ ɛyɛ debie gyɛne na ɛfa ɛ nwo edwɛkɛ ɛmaa yɛ a, ɔkile kɛ ɛdie Fealeranu Nee Cookies Nwo Edwɛkɛ ɛhye; edwɛkɛ mɔɔ bɛfa bɛsie servers mɔɔ wɔ United States of America azo; ɛ nwo edwɛkɛ mɔɔ Watchtower balie, yeava yeanwa ahyehyɛdeɛ gyɛne mɔɔ boa Gyihova Alasevolɛ wɔ maanle gyɛne zo amaa yeahola yeayɛ debie mɔɔ ɛkpondɛ la ɛto nu. Kɛzi ɛbava wɛbsaete ne wɔali gyima la a bahile ɛ nwo edwɛkɛ mɔɔ yɛbalie a. Kɛ neazo la, saa ɛye ndoboa ɛmaa mɛla adenle zo ahyehyɛdeɛ bie mɔɔ wɔ maanle bie anu a, yɛbava wɔ duma nee wɔ adelɛse yɛamaa ahyehyɛdeɛ zɔhane mɔɔ ɛnwunle ye na ɛkulo kɛ ɛye ezukoa ɛmaa ye la. Neazo bieko a le ɛhye, saa ɛbiza Baebolo ɛzukoalɛ nwo adenle a, yɛbava wɔ duma nee wɔ adelɛse yɛamaa Gyihova Alasevolɛ mɔɔ wɔ maanle mɔɔ ɛwɔ nu la amaa bɛali mɔɔ ɛbizale la anwo gyima.

Saa wɔanva ɛ nwo edwɛkɛ mɔɔ yɛhyia amaa wɔabuke account, wɔaye ndoboa anzɛɛ wɔnyia nvasoɛ gyɛne wɔ wɛbsaete ne azo la wɔamaa a, yɛnrɛhola yɛnrɛli mɔɔ ɛbabiza la anwo gyima.

Saa ɔba ye kɛ ɔwɔ kɛ yɛkakyi yɛ Fealeranu Nee Cookies Nwo Edwɛkɛ ne a, yɛbava nzenzaleɛ mɔɔ yɛbayɛ la yɛagua ɛke amaa ɛdawɔ noko wɔanwu ɛ nwo edwɛkɛ mɔɔ yɛbalie nee kɛzi yɛbava yɛali gyima la.

Ɛbahola wɔanyia ɛ nwo edwɛkɛ nwo adenle gyɛne kɛ mɔɔ mɛla maa adenle la. Bie a le kɛ ɛbahola wɔanlea edwɛkɛ mɔɔ wɔva wɔmaa yɛ wɔ wɛbsaete ɛhye azo la, wɔayɛ nvonleɛ mɔɔ wɔ nu la boɛ anzɛɛ wɔaye ɛ nwo edwɛkɛ mɔɔ wɔva wɔmaa la. Saa ɛlɛ ɛhye anwo adenle wɔ maanle mɔɔ ɛwɔ nu la anu a, ɛbanwu nwolɛ edwɛkɛ wɔ ɛke. Saa ɛkulo kɛ ɛbiza ndoboa mɔɔ wɔye la anwo edwɛkɛ a, biza ahyehyɛdeɛ ne mɔɔ ɛnwunle ye wɔ mekɛ mɔɔ ɛlɛye ndoboa ne na ɔ nwo edwɛkɛ wɔ receipt ne azo la.