Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

MGBAVOLƐ NEE MBƐLƐRA BIZA KƐ

Saa Meandie Me Awovolɛ Edwɛkɛ Ɛ?

Saa Meandie Me Awovolɛ Edwɛkɛ Ɛ?

Ɛbahola wɔayɛ ɛhye amaa ɛtane mɔɔ wɔyɛ la anyɛ kpole.

Ka nɔhalɛ ne. Saa wɔanga nɔhalɛ ne a, wɔ awovolɛ ɛnrɛnyia wɔ nuhua anwodozo bieko. Ɛhye ati, ka nɔhalɛ biala mɔɔ wɔ edwɛkɛ ne anu la.​—Mrɛlɛbulɛ 28:13.

  • Mmabua ɛ nwo benle yɛɛ mmayɛ ɛ nwo kɛ mɔɔ zile la ɛnle ɛhwee.

  • Dahuu kakye kɛ “nyelebɛnloa bɛtɛɛ maa ɛya dwo.”​—Mrɛlɛbulɛ 15:1.

Kpa kyɛlɛ. Nu ɛ nwo wɔ mɔɔ wɔyɛ la anwo amaa wɔ anzohwenlɛ ne anyɛ kpole. Noko akee, ɔwɔ kɛ ɛnu ɛ nwo nɔhalɛ nu.

Die wɔ nvonleɛ to nu. Saa ɛdie wɔ nvonleɛ ɛto nu a, ɔbahile kɛ wɔ adwenle ɛdi. Debie kpalɛ mɔɔ ɛbahola wɔayɛ la a le kɛ ɛbayɛ biala mɔɔ ɛbahola la amaa wɔ awovolɛ anyia wɔ nu anwodozo bieko.​—Mrɛlɛbulɛ 20:11.

Kakye kɛ, ɔle wɔ awovolɛ gyima kɛ bɛbanlea ɛ nwo zo. Baebolo ne ka “ɛ ze mɛla” nee “ɛ nli ngilehilelɛ” nwo edwɛkɛ.​—Mrɛlɛbulɛ 6:20.

Saa ɛkulo kɛ wɔ awovolɛ maa wɔ fanwodi dɔɔnwo a

  • Maa bɛnwu ye kɛ ɛbahola yɛɛ ɛkulo kɛ ɛdi bɛ mɛla ne mɔ azo.

  • Maa tieyɛ ɛyɛ wɔ subane.