Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

MGBAVOLƐ NEE MBƐLƐRA BIZA KƐ

Kɛzi Baebolo Ne Bahola Aboa Me Ɛ?​​—Foa 2: Maa Wɔ Baebolo Ɛgengalɛ Ɛyɛ Anyelielɛ

Kɛzi Baebolo Ne Bahola Aboa Me Ɛ?​​—Foa 2: Maa Wɔ Baebolo Ɛgengalɛ Ɛyɛ Anyelielɛ

Kakula kpavolɛ bie mɔɔ bɛfɛlɛ ye Will la ka kɛ, “Saa wɔannwu adenle kpalɛ mɔɔ bɛdua zo bɛkenga Baebolo ne la a, ye ɛgengalɛ bavonle wɔ.”

Ɛkulo kɛ ɛnwu ninyɛne bie mɔ mɔɔ bamaa wɔ Baebolo ɛgengalɛ ayɛ anyelielɛ la ɔ? Edwɛkɛ ɛhye baboa wɔ.

 Pɛ Ngɛlɛlera ne nvoninli

Fa ɛ nwo fea mɔɔ ɛlɛkenga la anu. Dua ndenle ɛhye azo yɛ zɔ:

  1. Kpa Baebolo nu edwɛkɛ mɔɔ ɛkulo kɛ ɛsukoa la. Ɛbahola wɔava edwɛkɛ bie mɔɔ zile wɔ Baebolo ne anu anzɛɛ Edwɛkpa ne anu edwɛkɛ ne bie anzɛɛ ɛbahola wɔakpa Baebolo nu edwɛkɛ mɔɔ bɛyɛ ye Drama mɔɔ wɔ jw.org azo la.

  2. Kenga edwɛkɛ ne. Ɛdawɔ mumua ne ɛbahola wɔagenga anzɛɛ ɛ nee ɛ gɔnwo mɔ anzɛɛ wɔ abusua ne anu amra bahola abɔ nu agenga ye kpole. Sonla ko bahola agenga amaneɛbɔvo foa ne na menli mɔɔ ɛha la ahyɛ menli mɔɔ wɔ nu la ɛdeɛ ne ava.

  3. Yeannyɛ boɛ fee la, sɔ nzuzulɛ ɛhye mɔ ko nea:

    • Dɔlɔ mɔɔ ɛbagenga la anwo nvoninli. Anzɛɛ yɛ mɔɔ bɛfɛlɛ ye storyboard la. Ɔle nvoninli ngyikyi mɔɔ kile kɛzi edwɛkɛ bie zile doɔdoale zo la. Kɛlɛ mɔɔ ɛlɛsi wɔ nvoninli ne anu la anwo edwɛkɛ ekyi gua ɔ bo.

    • Saa ɛlɛkenga Baebolo nu sonla mɔɔ lile nɔhalɛ la anwo edwɛkɛ a, kɛlɛ subane mɔɔ ɔlale ye ali la nee nyilalɛ mɔɔ ɔnyianle la.

    • Maa edwɛkɛ ne ɛyɛ kɛ amaneɛbɔlɛ la. Ka edwɛkɛ ne wɔ ndenle ngakyile zo, kɛ neazo la, fa ye kɛ “ɛlɛbizebiza” Baebolo nu sonla ne anzɛɛ menli mɔɔ ɛnee wɔ ɛkɛ ne la edwɛkɛ.

    • Saa ahenle mɔɔ ɛlɛkenga ɔ nwo edwɛkɛ la anzi kpɔkɛ mɔɔ nrɛlɛbɛ wɔ nu la a, pɛ ye nvoninli kɛ akee ɔzile kpɔkɛ kpalɛ. Kɛ neazo la, dwenle Pita mɔɔ yele Gyisɛse maanle la anwo nea. (Maake 14:66-​72) Kɛzi anrɛɛ Pita bahola agyinla ɛnwunlonwunlanlɛ ne anloa wɔ adenle kpalɛ zo ɛ?

    • Saa ɛte nganeɛ kɛ ɛbahola a, gyinla Baebolo edwɛkɛ bie azo kɛlɛ wɔ drama. Fa ɛzukoalɛdeɛ mɔɔ wɔ edwɛkɛ ne anu la boka nwo.​​—Wulomuma 15:4.

      Fa ɛ nwo wula edwɛkɛ mɔɔ ɛbagenga ye Baebolo ne anu la anu!

 Yɛ neɛnleanu!

Saa ɛfa wɔ adwenle ɛsie ninyɛne ngyikyi bie mɔ azo a, ɛbanwu ninyɛne bie mɔ mɔɔ veɛvea la amuala. Nɔhalɛ nu, ɔdwu mekɛ ne bie a, edwɛkɛkpɔkɛ ko anzɛɛ nwiɔ pɛ ala anwo hyia kpole wɔ Baebolo edwɛkɛ bie anu.

Kɛ neazo la, fa Mateyu 28:7 toto Maake 16:7 anwo.

  •  Duzu ati a Maake vale bokale nwo kɛ, na bɛhɔha bɛhile ye ɛdoavolɛma ne “nee Pitaa?

  • Mualɛ: Mekɛ mɔɔ edwɛkɛ ɛhye mɔ si la, ɛnee Maake ɛnle ɛkɛ; ɔkɛyɛ kɛ ɔnyianle ye edwɛkɛ ne ɔvile Pita ɛkɛ.

  • Ɛzukoalɛdeɛ mɔɔ vea nu la: Mɔɔ Pita dele kɛ Gyisɛse kulo kɛ ɔnwu ye bieko la, duzu ati a ye anwodozo yɛle kpole? (Maake 14:66-​72) Kɛzi Gyisɛse hilele kɛ ɛnee Pita le ɔ gɔnwo kpalɛ ɛ? Kɛzi ɛbazukoa Gyisɛse na wɔayɛ agɔnwolɛ kpalɛ wɔamaa awie mɔ ɛ?

Saa ɛpɛ Ngɛlɛlera ne nvoninli na ɛyɛ nwolɛ neɛnleanu a, Ɛ nye balie wɔ Baebolo ɛgengalɛ nwo kpole!