Wulu kɔ nuhua edwɛkɛ ne azo

Duzu Edwɛkɛ A Wɔ Yekile Buluku Ne Anu A?

Duzu Edwɛkɛ A Wɔ Yekile Buluku Ne Anu A?

Baebolo ne bua kɛ

Giliki duma mɔɔ bɛfa bɛfɛlɛ Yekile buluku ne la a le A·po·kaʹly·psis na ɔ bo kile kɛ “Ɛbuke Debie Zo” anzɛɛ “Ɛmaa Debie Nwo Ala Ɛkɛ.” Duma ɛhye maa yɛte Yekile abo​—ɔbuke ninyɛne mɔɔ vea la azo yɛɛ ɔmaa yɛnwu mɔɔ bazi kenle bie la. Bɔ zo mɔɔ nuhua ngapezo ne mɔ anu dɔɔnwo bara nu a.

Yekile buluku ne anu edwɛkɛ

Ninyɛne mɔɔ maa yɛte Yekile buluku ne abo la

  1. Edwɛkɛ kpalɛ a wɔ nu a, na ɔmmaa ɛzulolɛ ɛnga menli mɔɔ sonle Nyamenle la. Menli dɔɔnwo bu Yekile ne kɛ ɔkile ngyegyelɛ kpole, noko Yekile buluku ne ka ye wɔ ye mɔlebɛbo nee ye awieleɛ kɛ, menli mɔɔ kenga, bɛte ɔ bo na bɛfa nuhua edwɛkɛ ne bɛdi gyima la anye balie kɛ bɛyɛ ye zɔ la.​—Yekile 1:3; 22:7.

  2. Yekile buluku ne fa sɛkɛlɛneɛ dɔɔnwo mɔɔ ɔnle kɛ yɛfa bɛ kɛzi bɛha ye ala la di gyima.​—Yekile 1:1.

  3. Bɛlimoale bɛhanle ninyɛne titili nee sɛkɛlɛneɛ bie mɔ anwo edwɛkɛ wɔ Baebolo ne anu kolaa na eza bɛaha nwolɛ edwɛkɛ wɔ Yekile ne anu:

  4. Yekile ne mɔ fale “Awulae kenle ne” mɔɔ bɔle ɔ bo wɔ mekɛ mɔɔ Nyamenle Belemgbunlililɛ ne bɔle ɔ bo kɛ ɔdi tumi wɔ 1914 na bɛziele Gyisɛse Belemgbunli la. (Yekile 1:​10) Yemɔti, yɛ nye bahola ala kɛ Yekile ne anu ninyɛne titili ne mɔ bara nu wɔ yɛ mekɛ ye azo.

  5. Saa yɛbade Yekile buluku ne abo a, yɛhyia deɛ ko ne ala mɔɔ boa yɛ ɔmaa yɛte Baebolo ne afoa mɔɔ ɛha la abo mɔɔ bie a le nrɛlɛbɛ mɔɔ vi Nyamenle ɛkɛ yɛɛ menli mɔɔ bɛte ɔ bo dɛba mɔɔ yɛbamaa bɛaboa yɛ la.​—Gyima ne 8:26-39; Gyemise 1:5.