Wulu kɔ nuhua edwɛkɛ ne azo

Asoo Nyamenle le tumi kpole bie ala?

Asoo Nyamenle le tumi kpole bie ala?

Baebolo ne bua kɛ

Nyamenle lɛ tumi kpole wɔ aleɛabo amuala. Mɔɔ fale kɛzi ɔbɔle nwɔlɔra mgbe mgbe mɔɔ bɛngola bɛ tia anwo la, Baebolo ne ka kɛ: “Bɛdo bɛ nye anwuma na bɛnlea, nwane a bɔle ɛhye mɔ a? Yemɔ yɛɛ ɔbɔle bɛ kɔsɔɔti a, yɛɛ ɔfa [Nyamenle fa] ko biala duma ɔfɛlɛ ye. Ye tumi kpole ne ati, yɛɛ ɔlɛ tumi na ɔ nwo yɛ se la ati, ko bɔbɔ ɛmminli.”​—Ayezaya 40:25, 26.

Asoo Nyamenle le tumi kpole bie ala? Kyɛkyɛ, Baebolo ne ka kɛ ɔte nganeɛ, ɔlɛ ɛlɔlɛ yɛɛ ɔkyi debie. (Edwɛndolɛ 11:5; Dwɔn 3:16) Eza ɔmaa yɛnwu kɛ kɛzi menli yɛ bɛ nyɛleɛ la kola ka Nyamenle nganeɛdelɛ.​—Edwɛndolɛ 78:40, 41.