Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Bodane Boni A Nyamenle Lɛ Maa Me Ɛbɛlabɔlɛ A?

Bodane Boni A Nyamenle Lɛ Maa Me Ɛbɛlabɔlɛ A?

Baebolo ne bua kɛ

Nyamenle bodane mɔɔ ɔlɛ ɔmaa wɔ la a le kɛ ɛbanwu ye kɛ Awie mɔɔ ɔwɔ ɛkɛ, wɔabikye ye, wɔahulo ye na wɔava wɔ ahonle muala wɔazonle ye. (Mateyu 22:37, 38; Gyemise 4:8) Ɛbahola wɔalua Gyisɛse ɛbɛlabɔlɛ nee ye ngilehilelɛ zo wɔazukoa kɛzi ɛbayɛ Nyamenle ɛhulolɛdeɛ la. (Dwɔn 7:16, 17) Gyisɛse anga Nyamenle ɛhulolɛdeɛ nwo edwɛkɛ ala​—ɔvale ɔbɔle ye ɛbɛla. Nɔhalɛ nu, Gyisɛse hanle kɛ me bodane a le kɛ “mebayɛ mɔɔ zoanle me la ɛhulolɛdeɛ, na meamba kɛ mebali me ti anwo.”​—Dwɔn 6:38.

Mehyia sɛkɛlɛneɛ titili, ɛnyelɛzodeɛnwunlɛ anzɛɛ ɛvɛlɛlɛ bie amaa meanwu bodane mɔɔ Nyamenle lɛ maa me la ɔ?

Kyɛkyɛ, ɔluakɛ mɔɔ Nyamenle kulo kɛ ɔka la amuala wɔ Baebolo ne anu. Debie mɔɔ bamaa “sonla ne mɔɔ sonle Nyamenle la ali munli na bɛaziezie ye bɛamaa yeayɛ gyima kpalɛ” la amuala wɔ nu. (2 Temɔte 3:16, 17) Nyamenle kulo kɛ ɛdua Baebolo ne nee wɔ “adwenle” ne azo ɛnwu bodane mɔɔ ɔlɛ ɔmaa wɔ la.​—Wulomuma 12:1, 2; Ɛfɛsɛsema 5:17.

Mebahola meayɛ Nyamenle ɛhulolɛdeɛ ɔ?

Ɛhɛe ɛbahola, ɔluakɛ Baebolo ne ka kɛ: “Nyamenle mɛla ne mɔ ɛnyɛ ɛnlomboɛ.” (1 Dwɔn 5:3) Ɛhye ɛngile kɛ ɔnyɛ se kɛ yɛbali Nyamenle mɛla zo dahuu. Noko nvasoɛ mɔɔ ɛbanyia ye la tɛla mɔdenle mɔɔ ɛbabɔ wɔali ye mɛla zo la. Gyisɛse mumua ne hanle kɛ: “[Anyelielɛ] a le bɛdabɛ mɔɔ bɛtie Nyamenle edwɛkɛ ne na bɛdi zo la!”​—Luku 11:28.