Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Ninyɛne Boni Mɔ A Mebahola Meayɛ Nwolɛ Asɔne A?

Ninyɛne Boni Mɔ A Mebahola Meayɛ Nwolɛ Asɔne A?

Baebolo ne bua kɛ

Ɛbahola wɔayɛ debie biala mɔɔ nee Nyamenle die to nu kɛ mɔɔ bɛha ye wɔ Baebolo ne anu la anwo asɔne. “Yɛsi pi wɔ Nyamenle anu, yɛɛ yɛdie yɛdi kɛ saa yɛdua ye ɛhulolɛ zo yɛbiza ye debie biala a ɔtie yɛ.” (1 Dwɔn 5:14) Ɛbahola wɔaha ɛdawɔ mumua ne wɔ ngyegyelɛ nwo edwɛkɛ ɔ? Ɛhɛe. Baebolo ne ka kɛ: “Bɛha bɛ ngyianlɛ kɔsɔɔti bɛhile [Nyamenle].”​—Edwɛndolɛ 62:8.

Ninyɛne mɔɔ ɛbahola wɔayɛ nwolɛ asɔne

  • Nyamenle anu diedi.​—Luku 17:5.

  • Sunsum nwuanzanwuanza anzɛɛ Nyamenle gyimayɛlɛ tumi ne kɛ ɔboa wɔ ɔmaa ɛyɛ mɔɔ le kpalɛ la.​—Luku 11:13.

  • Anwosesebɛ mɔɔ ɛbava wɔagyinla ngyegyelɛ nee sɔnea nloa.​—Felepaema 4:13.

  • Anzodwolɛ anzɛɛ ahonle mɔɔ tɔ azule nu.​— Felepaema 4:6, 7.

  • Nrɛlɛbɛ mɔɔ ɛbava wɔazi kpɔkɛ kpalɛ.​— Gyemise 1:5.

  • Wɔ alehyenlɛ biala ngyianlɛdeɛ.​—Mateyu 6:11.

  • Ɛtanefakyɛ.​—Mateyu 6:12.