Wulu kɔ nuhua edwɛkɛ ne azo

wulu kɔ menu ngyikyi ne azo

Gyihova Alasevolɛ

Nzema

Duzu Ati A Bɛfɛlɛ Gyisɛse Nyamenle Ara Ɛ?

Duzu Ati A Bɛfɛlɛ Gyisɛse Nyamenle Ara Ɛ?

Baebolo ne bua kɛ

Nyamenle ɛnlɛ ɔ ye mɔɔ ɔ nee ye wole mralɛ a. Noko yemɔ a ɔle ngoane kɔsɔɔti Bɔvolɛ a. (Yekile 4:11) Ɛhye ati, bɛfɛlɛ Adam, sonla mɔɔ Nyamenle limoale bɔle ye la “Nyamenle ara.” (Luku 3:38) Zɔhane ala a Baebolo ne kilehile kɛ Nyamenle a bɔle Gyisɛse a. Yemɔti bɛfɛlɛ Gyisɛse noko “Nyamenle Ara.Dwɔn 1:49.

Nyamenle bɔle Gyisɛse kolaa na yeabɔ Adam. Ɛzoanvolɛ Pɔɔlo hɛlɛle Gyisɛse anwo edwɛkɛ kɛ: “Yemɔ a ɔle Nyamenle ne mɔɔ bɛnnwu ye la ɛsaso, abɔdeɛ muala anu belamunli ralɛ a.” (Kɔlɔsaema 1:15) Ɛnee Gyisɛse de ngoane nu mekɛ tendenle kolaa na bɛawo ye wɔ nane tunli nu wɔ Bɛtelɛhɛm. Nɔhalɛ nu, Baebolo ne ka kɛ ‘ɔ bo vi tete.’ (Maeka 5:2) Kɛmɔ Gyisɛse le Nyamenle belamunli Ralɛ la ati, ɛnee ɔle sunsum nu abɔdeɛ wɔ anwuma kolaa na bɛawo ye kɛ dasanli wɔ azɛlɛ ye azo. Gyisɛse mumua ne hanle kɛ: “Mevi anwuma mera.Dwɔn 6:38; 8:23.