Wulu kɔ nuhua edwɛkɛ ne azo

Ezukoa Nwo Ngyegyelɛ Nee Kakɛ​—Baebolo Ne Bahola Aboa Ɔ?

Ezukoa Nwo Ngyegyelɛ Nee Kakɛ​—Baebolo Ne Bahola Aboa Ɔ?

Baebolo ne bua kɛ

Ɛhɛe. Baebolo ngyinlazo nna mɔɔ doa zo la baboa wɔ wɔ ezukoa ngyegyelɛ nee kakɛ nwo:

  1. Ɛtɔ debie a dwenle nwo. “Sonla mɔɔ anye bolo ye gyima nwo la adwenle ngyehyɛlɛ maa ɔnyia aleɛ dɔɔnwo, na sonla mɔɔ pe yɛ debie la ɛnnyia ɛhwee.” (Mrɛlɛbulɛ 21:5) Mmapele ɛ nwo ɛtɔ debie ɔluakɛ bɛlɛtɔne ye la ati. Yɛ wɔ ezukoa nwo ngyehyɛleɛ na di zo.

  2. Kpo kakɛ mɔɔ anwo ɛngyia la. “Mɔɔ biza bosea la le sonla mɔɔ bɔ ye bosea la kanranli.” (Mrɛlɛbulɛ 22:7) Saa ɛtua awie kakɛ na ɛnlɛ ezukoa mɔɔ ɛfa wɔadua a, ɛ nee ahenle ɛdendɛ na kile ye mekɛ fofolɛ. Mmamaa ɛ sa nu to. Fa Baebolo ne anu folɛdulɛ mɔɔ fale awie mɔɔ ɛli agyinlanu na ɔwɔ kɛ ɔtua kakɛ bie la di gyima. Ɔse: “Mmada ɛdafe anzɛɛ mmamuomua ɛ nye ɛbɔ ngɔsɔkɛ.” (Mrɛlɛbulɛ 6:1-5) Saa bɔbɔ ɛkɔ ɛkɛ ne mekɛ mɔɔ limoa na yeanyɛ boɛ a, kɔ zo sɛlɛ maa bɛyɛ nzenzaleɛ.

  3. Nyia ezukoa nwo adwenle kpalɛ. “Sonla mɔɔ le akyɛbɛ la pele anwonyia nwo, ɔndwenle nwolɛ kɛ kenle bie ɔbahyia.” (Mrɛlɛbulɛ 28:22) Saa ɛyɛ anyebolo a ɛ nwo ɛnrɛhyele wɔ wɔ ezukoa nwo ala emomu ɔbazɛkye wɔ sunsum nu gyinlabelɛ.

  4. Maa ɛ kunlu ɛdwo ɛ nwo. “Saa yɛlɛ mɔɔ yɛdi nee mɔɔ yɛkeda la a, bɛmaa yɛ nye ɛzɔ yɛ nwo.” (1 Temɔte 6:8) Ezukoa ɛnrɛhola ɛnrɛdɔ anyelielɛ anzɛɛ ahunlundwolɛ. Menli mɔɔ anye die kpalɛ wɔ ɛbɛlabɔlɛ nu la bie mɔ ɛnlɛ ezukoa dɔɔnwo. Mɔɔ bɛlɛ la a le ɛlɔlɛ mɔɔ wɔ bɛ abusua nee bɛ gɔnwo mɔ avinli nee agɔnwolɛvalɛ kpalɛ mɔɔ bɛ nee Nyamenle lɛ la.​—Mrɛlɛbulɛ 15:17; 1 Pita 5:6, 7.