Wulu kɔ nuhua edwɛkɛ ne azo

Asoo Gyisɛse Ɛbɛlabɔlɛ Nwo Kɛlɛtokɛ Mɔɔ Le Nɔhalɛ La Wɔ Baebolo Ne Anu?

Asoo Gyisɛse Ɛbɛlabɔlɛ Nwo Kɛlɛtokɛ Mɔɔ Le Nɔhalɛ La Wɔ Baebolo Ne Anu?

Baebolo ne bua kɛ

Baebolo kɛlɛvolɛ Luku hanle Gyisɛse ɛbɛlabɔlɛ nu edwɛkɛ mɔɔ ɔhɛlɛle la anwo edwɛkɛ kɛ: “Menleɛnlea ninyɛne ne amuala anu pɛpɛɛpɛ ɔvi mɔlebɛbo ne.”​—Luke 1:3.

Bie mɔ kile kɛ Gyisɛse ɛbɛlabɔlɛ nu edwɛkɛ mɔɔ wɔ Edwɛkpa ne anu​—mɔɔ ye mekɛ zo amra Mateyu, Maake, Luke nee Dwɔn hɛlɛle la​—bɛhakyile ye mekɛ bie wɔ ɛvoya ne mɔɔ tɔ zo nna [300 Y.M.] la anu.

Noko bɛnwunle Dwɔn Edwɛkpa ne sinli bie mɔɔ anwo hyia la wɔ Yigyibiti wɔ mekɛ mɔɔ ɛvoya 20 ne ɛlɛbɔ ɔ bo la [1900 mɔlebɛbo]. Kɛkala bɛfɛlɛ ye Papyrus Rylands 457 (P52) na bɛva bɛzie John Rylands Library wɔ Manchester, England. Edwɛkɛ mɔɔ wɔ Dwɔn 18:31-33, 37, 38 wɔ adwuleso Baebolo nu la a wɔ nu a.

Ɛhye a le Kilisiene Giliki Ngɛlɛlera ne bɛsanloangɛlɛlera sinli mɔɔ ɛhyɛ kpalɛ a. Mbɔlɔba dɔɔnwo die di kɛ bɛhɛlɛle ye kɛyɛ 125 Y.M., mekɛ mɔɔ bɛhɛlɛle mɔlebɛbo ɛdeɛ ne la anzi ɛvolɛ kɛyɛ abulanwiɔ nee nnu ala anzɛɛ mɔɔ bo zɔ la anu a bɛhɛlɛle a. Edwɛkɛ mɔɔ wɔ kɛlata sinli ne azo la nee bɛsanloangɛlɛlera mɔɔ bɛhɛlɛle ye nzinli la asɛɛ le ko.