Wulu kɔ nuhua edwɛkɛ ne azo

Adwenleadwenle Tɔ Me Nwo A Baebolo Ne Bahola Aboa Me Ɔ?

Adwenleadwenle Tɔ Me Nwo A Baebolo Ne Bahola Aboa Me Ɔ?

Baebolo ne bua kɛ

Ɛhɛe, ɔluakɛ moalɛ kpalɛ biala vi “Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle” la ɛkɛ.​—2 Kɔlentema 7:6.

Moalɛ mɔɔ Nyamenle fa maa menli mɔɔ arɛle ɛbɔ la

  • Anwosesebɛ. Tɛ kɛ Nyamenle baye wɔ ngyegyelɛ ne kɔsɔɔti yeavi ɛkɛ ne yeava yeakyekye ɛ “rɛle” emomu ɔbamaa wɔ anwosesebɛ yeamaa wɔava wɔagyinla ɔ nloa. (Felepaema 4:13) Ɛbahola wɔanyia anwodozo kɛ yeziezie ɔ nwo kɛ ɔbadie wɔ, ɔluakɛ Baebolo ne se: “[Gyihova] bikye mɔɔ nyane ɛha ye la, na ɔdie mɔɔ ye anyelazo ɛwie la.” (Edwɛndolɛ 34:18) Nɔhalɛ nu, ɛsu ɛfɛlɛ Nyamenle kɛ ɔboa wɔ a ɔbadie, saa bɔbɔ ɛngola ɛnga kɛzi ɛte nganeɛ la a.​—Wulomuma 8:26, 27.

  • Neazo kpalɛ. Baebolo kɛlɛvolɛ bie zɛlɛle Nyamenle kɛ: “Mela buma ye anu mesu mefɛlɛ wɔ.” Edwɛndolɛnli ɛhye arɛle kyekyele wɔ mekɛ mɔɔ ɔhakyele kɛ Nyamenle kulo kɛ ɔfa yɛ ɛtane ne mɔ ɔkyɛ yɛ la. Ɔhanle ɔhilele Nyamenle kɛ: “Saa ɛse ɛdi ɛtane nzi a, Awulae, anrɛɛ nwane a kɛhola kɛgyinla a? Na wɔmɔ, ɛlɛ fakyɛ, amaa bɛazulo wɔ.”​—Edwɛndolɛ 130:1, 3, 4.

  • Anyelazo. Yɛye arɛlekyekyelɛ mɔɔ Nyamenle fa maa yɛ ɛnɛ la yɛsie ahane a, yebɔ ɛwɔkɛ kɛ ɔbaye ngyegyelɛ mɔɔ fa adwenleadwenle ba la amuala yeavi ɛkɛ. Saa ɛwɔkɛ ɛhye ba nu a, “ninyɛne dɛba ne mɔ [mɔɔ adwenleadwenle boka nwo la] abo zo baminli mɔɔ awie ɛnrɛhakye bɛ bieko a.”​—Ayezaya 65:17.

Yɛ ye nzonlɛ: Gyihova Alasevolɛ die Nyamenle moalɛ to nu noko bɛkpondɛ ayileyɛlɛ wɔ mekɛ mɔɔ bɛ nuhua bie banyia adwenle nu ewule la. (Maake 2:17) Yɛnganvo ayileyɛlɛ titili bie yɛngile awie; yɛze ye kɛ ɔwɔ kɛ awie biala ɔdaye ɔsi ɔ ti anwo kpɔkɛ wɔ ɛhye anwo.