Wulu kɔ nuhua edwɛkɛ ne azo

Asoo Baebolo Ne Ka Menli Mɔɔ Bɛ Awodeɛ Le Ko La Agyalɛ Nwo Edwɛkɛ?

Asoo Baebolo Ne Ka Menli Mɔɔ Bɛ Awodeɛ Le Ko La Agyalɛ Nwo Edwɛkɛ?

Baebolo ne bua kɛ

Yɛ Bɔvolɛ ne vale agyalɛ nwo mɛla maanle mekɛ tendenle kolaa na arane ngakyile abɔ ɔ bo ayɛ nwolɛ ngyehyɛleɛ. Baebolo buluku ne mɔɔ limoa la ka kɛ: “Yemɔti a nrenyia fi ɔ ze nee ɔ nli anwo na ɔfa ɔ nwo ɔbɔ ɔ ye anwo kyengye, na bɛ mu nwiɔ bɛbɔ nu bɛyɛ nwonane ko a.” (Mɔlebɛbo 2:24) Vine’s Expository Dictionary of Biblical Words ne ka kɛ, Hibulu edwɛkɛkpɔkɛ “yelɛ” abo kile “awie mɔɔ ɔle raalɛ la.” Gyisɛse noko hanle kɛ ɔwɔ kɛ agyalɛma yɛ “nrenyia nee raalɛ.”​—Mateyu 19:4.

Ɛhye ati, ɛnee Nyamenle kpondɛ kɛ agyalɛ yɛ koyɛlɛ mɔɔ anu yɛ se mɔɔ ɔbadɛnla ɛkɛ dahuu wɔ nrenyia nee raalɛ avinli a. Bɛbɔle mrenyia nee mraalɛ kɛ bɛboa bɛ nwo amaa bɛahola bɛali bɛ nuhua ko biala nganeɛdelɛ nee bɛ nla nu ngyianlɛ nwo gyima na bɛawo mralɛ.