Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Asoo Nyamenle A Bɔle Abɔnsam Kɛ Ɔzɔ Yɛ Ɔnlea Ɔ?

Asoo Nyamenle A Bɔle Abɔnsam Kɛ Ɔzɔ Yɛ Ɔnlea Ɔ?

Baebolo ne bua kɛ

Baebolo ne kilehile kɛ tɛ Nyamenle a bɔle Abɔnsam a. Emomu, Ɔdaye a ɔbɔle ahenle mɔɔ rayɛle ɔ nwo Abɔnsam la. Baebolo ne ka ye wɔ Nyamenle anwo kɛ: “Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.” (Mɛla ne 32:3-5) Edwɛkɛ zɔhane maa yɛnwu kɛ, mekɛ bie ɛnee Seetan Abɔnsam di munli yɛɛ ɔdi pɛlepɛle, ɛnee ɔle Nyamenle sunsum nu mralɛ ne mɔ ko.

Gyisɛse hanle ye wɔ Dwɔn 8:44 kɛ, Abɔnsam ‘anli nɔhalɛ,’ ɔkile kɛ, mekɛ bie ɛnee Seetan di nɔhalɛ yɛɛ ngehanleɛ biala ɛnle ɔ nwo.

Noko kɛ mɔɔ ɔde wɔ Gyihova abɔdeɛ mɔɔ ze nrɛlɛbɛ la amuala afoa nu la, ɛnee anwumabɔvolɛ ɛhye mɔɔ rayɛle ɔ nwo Seetan la lɛ adenle kpa kɛ ɔbayɛ mɔɔ le kpalɛ anzɛɛ mɔɔ le ɛtane la. Kɛmɔ ɔdwazole ɔtiale Nyamenle na ɔmaanle agyalɛma mɔɔ limoa la noko lile ɔ nzi la ati, ɔrayɛle ɔ nwo Seetan, mɔɔ ɔ bo kile “Dwazotiavolɛ.”​—Mɔlebɛbo 3:1-5; Yekile 12:9.