Wulu kɔ nuhua edwɛkɛ ne azo

Gyihova Alasevolɛ

Kpa aneɛ Nzema

Duzu Ati A Ɔyɛ Se Kɛ Bɛbanyia Anzodwolɛ Wɔ Ewiade A?

Duzu Ati A Ɔyɛ Se Kɛ Bɛbanyia Anzodwolɛ Wɔ Ewiade A?

Baebolo ne bua kɛ

Mɔdenle mɔɔ alesama ɛlɛbɔ kɛ bɛmaa anzodwolɛ ara ewiade la ɛnyɛ boɛ na bɛnrɛhola bɛnrɛyɛ ɔlua ninyɛne bie mɔ ati:

  • “O [Gyihova], meze kɛ sonla ɔdaye ɔnlɛ ɔ nwo; sonla ɔdaye ɔnlɛ ye ngoane zo tumi.” (Gyɛlɛmaya 10:23) Bɛammaa alesama nrɛlɛbɛ nee nwolɛ adenle kɛ bɛnlea bɛ nwo zo wɔ mekɛ mɔɔ bɛbɔle bɛ la, yemɔti bɛnrɛhola bɛnrɛnyia anzodwolɛ mɔɔ badɛnla ɛkɛ dahuu.

  • “Mmafa ɛ rɛle ɛwula arelemgbunli anu mmafa ɛ rɛle ɛwula sonla nu, ɔnlɛ moalɛ biala. Saa ye ɛnwomenle ne fi ye nu a ɔsia ɔkɔ ye ndɛtɛlɛ ne anu; kenle ko ne ala ɛnee ye ngyehyɛlɛ biala ɛzɛkye.” (Edwɛndolɛ 146:3, 4) Arane mgbanyima mɔɔ bɛlɛ adwenle kpalɛ bɔbɔ la ɛnrɛhola ɛnrɛdu ninyɛne mɔɔ fa konle konle ba la abo.

  • ‘Mekpondɛ kɛ ɛnwu ye kɛ, awieleɛ mekɛ ne anu, anwongyelelɛ dɔɔnwo bara. Menli bava ɛya mgbane mgbane na bɛahyi kpalɛ, bɛbaye bɛ gɔnwo mɔ bamaa, bɛbayɛ mgbaha na bɛ ti anu ayɛ bɛ fɛ.’ (2 Temɔte 3:1-4) Yɛde ɛtane ewiade ɛhye “awieleɛ mekɛ ne anu,” mekɛ mɔɔ menli subane maa ɔyɛ se kɛ anzodwolɛ bara la.

  • “Na bɛmɛ azɛlɛ nee nyevile, bɛ gyakɔ! Ɔluakɛ Abɔnsam ɛdwu ɛra bɛ nwo lɔ, na ɛya kpole wɔ ye nuhua, ɔboalekɛ ɔze kɛ ye mekɛ ɛha ekyi bie ala.” (Yekile 12:12) Bɛnwinwi Abɔnsam, Nyamenle kpɔvolɛ ne wɔ azɛlɛ ye azo, na ɔlɛmaa menli anwosesebɛ yeamaa bɛazukoa ye atisesebɛ subane ne. Kɛmɔ ɔdaye a ‘ɔsie ɛtane ewiade ɛhye’ la ati, yɛnrɛhola yɛnrɛdɛnla anzodwolɛ nu ɛlɛ.​—Dwɔn 12:31.

  • “[Nyamenle Belemgbunlililɛ ne bahomo] maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu.” (Daneɛle 2:44) Nyamenle Belemgbunlililɛ ne a bamaa yɛanyia anzodwolɛ wɔ ewiade amuala a, na tɛ dasanli arane biala ɔ.​—Edwɛndolɛ 145:16.