Wulu kɔ nuhua edwɛkɛ ne azo

Baebolo Mbuluku Mukenye

Bɛle vidio nzinrenzinra mɔɔ bɛmaa yɛnwu Baebolo mbuluku ne mɔ anwo nɔhalɛ edwɛkɛ a. Fa vidio ɛhye mɔ di gyima amaa wɔanyia anyuhɔlɛ wɔ wɔ Baebolo ɛgengalɛ nee ye ɛzukoalɛ nu.

Gyɛnɛsese Mukenye

Gyɛnɛsese ka alesama mɔlebɛbo yɛɛ kɛ ɔyɛle mɔɔ amaneɛnwunlɛ nee ewule rale la anwo edwɛkɛ.

Ɛzɛdɔso Mukenye

Nyamenle liele Yizilayɛma vile akɛlɛzonlenlɛ nu wɔ Yigyibiti na ɔyɛle bɛ maanle mɔɔ bɛdu bɛ nwo bɛmaa ye la.

Lɛvitikɔso Mukenye

Nea kɛzi Lɛvitikɔso buluku ne maa yɛnwu kɛzi Nyamenle le nwuanzanwuanza nee deɛmɔti ɔhyia kɛ yɛdayɛ noko yɛyɛ nwuanzanwuanza la.

Nɔmbɛse Mukenye

Sukoa deɛmɔti ɔle kpalɛ kɛ yɛtie Gyihova na yɛkile ɛbulɛ yɛmaa menli mɔɔ li asafo ne anyunlu la anwo debie.

Ditilɔnomi Mukenye

Yɛ kɛzi Gyihova Mɛla mɔɔ ɔvale ɔmaanle Yizilayɛma la lale ye ali kɛ ɔkulo bɛ na ɔdwenle bɛ nwo la nzonlɛ.

Dwɔhyua Mukenye

Nea kɛzi Yizilayɛ maanle ne lile azɛlɛ mɔɔ Nyamenle vale maanle bɛ la azo konim na bɛhyɛle la.

Ndɛnebuavolɛma Mukenye

Bɛvale buluku ɛhye bɛdonle mrenyia akɛnrasesebɛma mɔɔ bɛlɛ diedi mɔɔ Nyamenle luale bɛ nwo zo liele Yizilayɛma vile bɛ agbɔvolɛ asa anu la.

Ɛzela Mukenye

Gyihova lile ɛwɔkɛ mɔɔ ɔbɔle kɛ ɔbalie ye menli yeavi Babelɔn na bɛabɔ nɔhalɛ ɛzonlenlɛ bo bieko wɔ Gyɛlusalɛm la azo.

Nihɛmaya Mukenye

Ɛzukoalɛdeɛ mɔɔ baboa nɔhalɛ azonvolɛ ɛnɛ la wɔ Nihɛmaya buluku ne anu.

Ɛseta Mukenye

Edwɛkɛ mɔɔ sisile wɔ Ɛseta mekɛ zo la bamaa diedi mɔɔ ɛlɛ ye kɛ Gyihova Nyamenle kola die ye menli fi sɔnea nu ɛnɛ la ayɛ kpole.

Dwobu Mukenye

Menli mɔɔ kulo Gyihova la amuala bayia sɔnea anzɛɛ ngyegyelɛ. Dwobu edwɛkɛ ne maa yɛnwu kɛ yɛbahola yɛagyinla yɛ munlililɛ nu na yɛahile kɛ yɛdie Gyihova tumililɛ ne yɛto nu.

Edwɛndolɛ Mukenye

Edwɛndolɛ foa Gyihova tumililɛ ne azo, ɔboa na ɔkyekye menli mɔɔ kulo Nyamenle la arɛle, na ɔkile kɛ ye belemgbunlililɛ ne bahakyi ewiade ye.

Mrɛlɛbulɛ Mukenye

Kpondɛ ɛbɛlabɔlɛ nwo adehilelɛ mɔɔ vi anwuma la​—bie fale gyimayɛlɛ nee abusua nwo.

Nolobɔvo Ne Mukenye

Belemgbunli Sɔlɔmɔn hanle ninyɛne mɔɔ anwo hyia wɔ ɛbɛlabɔlɛ nu la anwo edwɛkɛ na ɔvale ɔtotole ninyɛne mɔɔ ɔ nee anwuma nrɛlɛbɛ ne ɛnyia la anwo.

Sɔlɔmɔn Edwɛne Mukenye

Bɛha nɔhalɛ ɛhulolɛ mɔɔ Hyulam bɛlɛra ne lɛ maa mboaneneavolɛ ne la anwo edwɛkɛ kɛ ‘Gyaa sendɔlɔra.’ Duzu ati ɔ?

Gyɛlɛmaya Mukenye

Ɔnva nwo kɛ Gyɛlɛmaya yiale ngyegyelɛ la ɔyɛle gyima mɔɔ bɛvale bɛwulale ɔ sa la. Nea kɛzi ye neazo ne bahola aboa Kilisienema ɛnɛ la.

Awolɛyelɛ Mukenye

Ngapezonli Gyɛlɛmaya a hɛlɛle a. Buluku ne ka Gyɛlusalɛm ɛzɛkyelɛ nwo edwɛkɛ na ɔmaa yɛnwu kɛzi anlubɛnwo bahola amaa Nyamenle aze bɛ anwunvɔne la.

Yizikeɛle Mukenye

Yizikeɛle vale mɛlɛbɛnwoaze nee akɛnrasesebɛ yɛle gyima mɔɔ Nyamenle ɛva ɛwula ɔ sa la ɔnva nwo tɛnlabelɛ ɛsesebɛ mɔɔ ɔhɔle nu la. Ye neazo ne anwo hyia yɛ ɛnɛ.

Daneɛle Mukenye

Daneɛle nee ɔ gɔnwo mɔ lile nɔhalɛ maanle Gyihova wɔ tɛnlabelɛ kɔsɔɔti anu. Bɛ neazo ne nee ngapezo mɔɔ ɛra nu la bahola aboa yɛ ɛnɛ nee dahuu.

Hozia Mukenye

Hozia ngapezo ne boa yɛ maa yɛnwu kɛzi ɛnɛ Gyihova da anwunvɔnezelɛ ali kile menli mɔɔ nu bɛ nwo nee ɛzonlenlɛ mɔɔ ɔkulo kɛ yɛfa yɛmaa ye la.

Dwowɛle Mukenye

Dwowɛle hanle ‘Gyihova kenle’ kpole ne mɔɔ ɛlɛba ndɛndɛ la anwo edwɛkɛ nee mɔɔ saa yɛyɛ a yɛbanyia yɛ ti la. Ye ngapezo ne anwo hyia ndɛndɛ ɛnɛ.

Emɔso Mukenye

Gyihova vale nrenyia ɛhye mɔɔ bɛlɛ ɔ nwo aze la lile gyima mɔɔ hyia. Ɛzukoalɛdeɛ mɔɔ hyia la boni a yɛbahola yɛanyia yɛavi Emɔso ɛkɛ a?

Obadaya Mukenye

Obadaya buluku ne a le buluku ezinra wɔ Hibulu Ngɛlɛlera ne anu a. Ye ngapezo ne ka anyelazo nee ɛwɔkɛ mɔɔ kile kɛ bɛbade Gyihova Belemgbunlililɛ ne anwo la anwo edwɛkɛ.

Dwona Mukenye

Ngapezonli ne liele ɛdenrɛdenrɛlɛ dole nu, ɔyɛle gyima mɔɔ bɛvale bɛwulale ɔ sa nu la na bɛhilele ye ɛzukoalɛdeɛ mɔɔ fale Nyamenle nɔhalɛ ɛlɔlɛ nee ye anwunvɔnezelɛ ne anwo la. Ye anwubielɛ ne baha dɔɔnwo ahile yɛ.

Maeka Mukenye

Ngapezo edwɛkɛ ɛhye mɔɔ vi Gyihova ɛkɛ la maa yɛnyia anwodozo kɛ, mɔɔ Gyihova kpondɛ avi yɛ ɛkɛ la ɛmbo yɛ nwo zo na ɔboa yɛ.

Nahum Mukenye

Ngapezo ne maa yɛnyia anwodozo kɛ Gyihova edwɛkɛ biala mɔɔ ɔbaha la bara nu na ɔkyekye menli mɔɔ kpondɛ anzodwolɛ nee ngoanelielɛ wɔ ye Belemgbunlililɛ ne abo la amuala arɛle.

Habakɛke Mukenye

Yɛbahola yɛanyia anwodozo kɛ Gyihova ze mekɛ nee adenle kpalɛ mɔɔ ɔdua zo ɔdie ye menli a.

Zɛfanaya Mukenye

Duzu ati a ɔwɔ kɛ yɛnea boɛ ne yɛande nganeɛ kɛ Gyihova ndɛnebualɛ kenle ne ɛnrɛra ɛ?

Hagae Mukenye

Hagae buluku ne lɛ ndeanlɛ mɔɔ anloa yɛ se, edwɛkɛ mɔɔ maa anwosesebɛ yɛɛ ngapezo mɔɔ maa yɛnyia anyelazo la.

Mateyu Mukenye

Sukoa buluku ɛhye mɔɔ limoa wɔ Edwɛkpa mbuluku nna ne anu la anwo nɔhalɛ edwɛkɛ sikalɛ.

Maake Mukenye

Buluku mɔɔ le ezinra wɔ Edwɛkpa nna ne anu, edwɛkɛ mɔɔ wɔ Maake buluku ne anu la maa yɛnwu mɔɔ Gyisɛse bayɛ ye kenle bie kɛ Nyamenle Belemgbunlililɛ ne azo Belemgbunli la.

Luku Mukenye

Edwɛkɛ boni mɔ a wɔ Luke Edwɛkpa ne anu mɔɔ ɔnle Edwɛkpa mɔɔ ɛha la anu a?

Dwɔn Mukenye

Dwɔn buluku ne ka ɛlɔlɛ mɔɔ Gyisɛse lɛ maa alesama la anwo edwɛkɛ, ye mɛlɛbɛnwoaze subane ne yɛɛ ɔ nwo mɔɔ ɔlale ye ali kɛ ɔle Mɛzaya​​—kenle bie Belemgbunlililɛ ne azo Belemgbunli.

2 Kɔlentema Mukenye

Gyihova, “arɛlekyekyelɛ muala Nyamenle ne,” boa ye azonvolɛ na ɔmaa bɛ anwosesebɛ.

Galeehyeama Mukenye

Ɛnɛ yɛnyia nvasoɛ wɔ Pɔɔlo kɛlata ne mɔɔ ɔhɛlɛle Galeehyeama la azo kɛ mɔɔ ɛnee ɔde ye dɛba ne la. Ɔbahola yeaboa Kilisienema kɔsɔɔti yeamaa bɛali nɔhalɛ dahuu.

2 Tɛsalonaekama Mukenye

Pɔɔlo denrɛle adwenle mɔɔ ɛnfɛta mɔɔ ɛnee bɛlɛ ye wɔ Gyihova kenle ne ɛralɛ nwo la na ɔmaanle mediema ne mɔ anwosesebɛ kɛ bɛgyinla kpundii wɔ diedi ne anu.

1 Timote Mukenye

Pɔɔlo hɛlɛle 1 Timote kɛ ɔmaa yɛanwu ngyehyɛleɛ mɔɔ kɔ zo wɔ asafo ne anu na yeabɔ yɛ kɔkɔ wɔ adalɛ ngilehilelɛ nee ezukoa nwo anyebolo nwo.

2 Timote Mukenye

Pɔɔlo maanle Timote anwosesebɛ kɛ ɔyɛ ye ɛzonlenlɛ gyima ne kpalɛ.

Taetɛse Mukenye

Pɔɔlo kɛlata mɔɔ ɔhɛlɛle ɔmaanle Taetɛse la ka ngyegyelɛ mɔɔ ɛnee wɔ Kiliti asafo ne mɔ anu la anwo edwɛkɛ na ɔmaa yɛnwu mɔɔ ɔwɔ kɛ awie dwu nwo na yeahola yeafɛta kɛ kpanyinli la.

Faelimɔn Mukenye

Kɛlata ezinra ɛhye lɛ ɛzukoalɛdeɛ dɔɔnwo le kɛ mɛlɛbɛnwoaze, atiakunlukɛnlɛma yɛɛ fakyɛ.

Hibuluma Mukenye

Kilisiene ɛzonlenlɛ gyi ninyɛne mɔɔ sonle bolɛ tɛla ɛzonlenlɛ sua nee nane mɔɔ bɛfa bɛbɔ afɔle mɔɔ ɛnyelɛ nwu ye la.

Gyemise Mukenye

Gyemise vale ndonwo sikalɛ mɔɔ tumi wɔ nu la hilehilele Kilisiene ɛbɛlabɔlɛ afoa titili nu.

1 Pita Mukenye

Pita kɛlata ne mɔɔ limoa la maa yɛ anwosesebɛ kɛ yɛyɛ wuluwulu na yɛvuandi yɛ adwenleadwenle muala yɛgua Nyamenle Anwo zo.

2 Pita Mukenye

Pita kɛlata ne mɔɔ tɔ zo nwiɔ la maa yɛ anwosesebɛ kɛ yɛli nɔhalɛ wɔ mekɛ mɔɔ yɛlɛkendɛ anwuma fofolɛ ne yɛɛ azɛlɛ fofolɛ ne la.

Dwuudu Mukenye

Dwuudu hilehilele nu na ɔmaanle bɛnwunle adenle ɛtane mɔɔ menli mɔɔ babɔ mɔdenle kɛ bɛsɛkye Kilisienema ne balua zo ayɛ zɔ la.

Yekile Mukenye

Ɛnyelɛzodeɛnwunlɛ ngakyile mɔɔ wɔ Yekile buluku ne anu la kilehile kɛzi Nyamenle Belemgbunlililɛ ne bamaa alesama anwo adɔ bɛ wɔ azɛlɛ ye azo la anu.

Sukoa Dɔɔnwo