Wulu kɔ nuhua edwɛkɛ ne azo

Saa Bɛye Wɔ Bɛfi Menli Nu A Kɛzi Ɛbagyinla Ɔ Nloa Ɛ?

Saa Bɛye Wɔ Bɛfi Menli Nu A Kɛzi Ɛbagyinla Ɔ Nloa Ɛ?

Bɛye wɔ bɛvi menli nu na ɛ nwo ɛyɛ wɔ koonwu ɔ? Saa ɔle zɔ a, bie a ɛbade nganeɛ kɛ edwɛndolɛnli ne mɔɔ hanle kɛ: “Mele kɛ aloma mɔɔ ɔ ngome ɔgyi sua ti zo la.” (Edwɛne 102:7) Mekɛ mɔɔ bɛkɛye wɔ bɛkɛvi menli nu la, Baebolo ne anu nrɛlɛbɛ bahola aboa wɔ yeamaa wɔagyinla ɔ nloa.

 Bikye Gyihova

Saa bɔbɔ bɛye wɔ bɛfi menli nu a, ɛ nye bahola alie saa ɛnwu kɛ ɛhyia Nyamenle anwo na ɛbɔ mɔdenle ɛbikye ye a. (Mateyu 5:3, 6) Ninyɛne ɛhye mɔ mɔɔ bɛndua nwolɛ ezukoa la bahola aboa wɔ yeamaa wɔabɔ ɔ bo.

  • Yintanɛte zo Baebolo mɔɔ nuhua edwɛkɛ le pɛpɛɛpɛ na ɔnyɛ se kɛ ɛbagenga

  • Vidio nzinrenzinra mɔɔ fale Baebolo ngilehilelɛ nwo mɔɔ ɔ bo ɛdelɛ ɛnyɛ se la

  • Baebolo Kpuya Mɔɔ Bɛbua”​—Mualɛ tee mɔɔ fale kpuya mɔɔ menli ta biza anwo la

  • Sukoa Bɛ Diedi”​—Edwɛkɛ ɛhye kola maa ɛnwu mrenyia nee mraalɛ nɔhavoma mɔɔ wɔ Baebolo ne anu la kpalɛ

  • Asoo Awie A Yɛle A?”​—Edwɛkɛ ɛhye twe adwenle kɔ kɛzi abɔdeɛ le kɛnlɛma nee nwanwane la azo

 Kenga arɛlekyekyelɛ edwɛkɛ fi Baebolo ne anu

Ngɛlɛlera ɛhye mɔ ɛmaa menli dɔɔnwo ɛnyia arɛlekyekyelɛ. Kɛ anrɛɛ ɛbagenga adile dɔɔnwo wɔabɔ nu la, fa mekɛ ɛhye mɔɔ yeha ɛ ngome la kenga ye ngyikyingyikyi, dwenledwenle nwo na yɛ asɔne.​—Maake 1:35.

 Sukoa deɛmɔti ninyɛndane ɛlɛsisi ewiade la

 Kpo adwenleadwenle mɔɔ ɔngyia la

Edwɛkɛ ngakyile ɛhye mɔ bahola aboa wɔ wɔ mekɛ mɔɔ ɔbaha ɛ ngome la na yeamaa ‘wɔagyakyi kɛ ɛbadwenledwenle.’​—Mateyu 6:25.

 Kpondɛ agɔnwolɛma

Agɔnwolɛvalɛ boa yɛ maa yɛnyia adwenle nu ne nganeɛdelɛ nu kpɔkɛdelɛ kpalɛ na nwolɛ hyia kpalɛ wɔ mekɛ mɔɔ ɔyɛ ɔse kɛ yɛbanwu yɛ nwo la. Saa wɔha sua nu a, ɛbahola wɔalua vidio anzɛɛ fonu zo ɛnee ɛ gɔnwo mɔ ali adwelie na wɔakpondɛ agɔnwolɛma fofolɛ. Edwɛkɛ ɛhye mɔ baboa wɔ yeamaa wɔakpondɛ agɔnwolɛma na eza wɔayɛ “agɔnwolɛ kpalɛ.”​—Mrɛlɛbulɛ 17:17.

 Kpundikpundi wɔ agbɔkɛ nu

Baebolo ne ka kɛ ‘agbɔkɛ nu ɛkpundilɛ zo lɛ nvasoɛ.’ (1 Timote 4:8) Ɔkola ɔmaa ɛnyia adwenle nu kpɔkɛdelɛ kpalɛ titili wɔ mekɛ mɔɔ bɛye wɔ bɛvi menli nu la. Saa bɔbɔ ɛngola ɛnvinde a, ɛbahola wɔayɛ ninyɛne bie mɔ wɔava wɔakpundikpundi ɛ nwo.