Bzimogeni bzinthu bzimwebzi

Thangwe Ranyi Wanthu Ambafa?

Thangwe Ranyi Wanthu Ambafa?

Bzomwe Bibliya limbalewa

N’kuphonya lini kubvunza kuti ‘thangwe ranyi wanthufe timbafa’, maka-maka tikafedwa munthu omwe timbamufuna kwene-kwene. Bibliya limbati: ‘Mphanvu ya pikado ni infa.’​—1 Wakolinto 15:56.

Thangwe ranyi wanthu wense ana pikado ndipo ambafa?

Wanthu wakuyamba, Adamu na Eva, adaluza moyo wawo thangwe ra kuphonyera Mulungu. (Ciyambo 3:17-19) Iwo adafunikira kufa thangwe ra kupandukira kwawo Mulungu, ndipo ni Mweneciro moyo.​—Psalymo 36:9; Ciyambo 2:17.

Adamu adapasira wana wace wense pikado yomwe akhanayo. Bibliya limbati: ‘Pikado idapita m’dziko thangwe ra munthu m’bodzi, idabwerambo infa thangwe ra pikado ndipo infayo idafikira wanthu wense thangwe rakuti wense ana pikado.’ (Waroma 5:12) Wanthu wense ambafa thangwe iwo ana pikado.​—Waroma 3:23.

Momwe infa in’dzapfudzidwira

Mulungu ambalewa bza nthawe yomwe ‘iye an’dzapfudza infa kwa muyaya.’ (Zaiya 25:8) Kuti infa in’dzapfudzidwa, iye an’dzafunikira kucosa cire comwe cimbacitisa kuti wanthu ambafe, comwe ni pikado. Mulungu an’dzacita bzimwebzo mwakuphatisa babsa Jezu Kristu, omwe ‘ambacosa pikado za m’dziko.’​—Juwau 1:29; 1 Juwau 1:7.