Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Mavidiyo ya Nfundo Zakuthandiza Kubvesesa Bukhu la m’Bibliya

Nfundo zikulu-zikulu za bukhu la m’Bibliya palokha.

Nfundo Zakuthandiza Kubvesesa Bukhu la Psalymo

Bukhu la Psalymo limbatumbiza utongi bwa Yahova, timbatsangalaza wanthu omwe ambafuna Yahova, ndipo limbalatiza momwe dzikoli lin’dzacinjira mu Umambo bwace.

Nfundo Zakuthandiza Kubvesesa Bukhu la Mimwani

Gumanani malango yakucokera kwa Mulungu pa moyo wanu wa nsiku na nsiku pa nkhani za malonda na za m’banja.

Nfundo Zakuthandiza Kubvesesa Bukhu la Mpalizi

Mambo Salomau adafotokoza bzinthu bzomwe bzimbafunikiradi pa moyo, acibzisiyanisa na bzinthu bzomwe bzimbabverana lini na nzeru yakucokera kwa Mulungu.

Nfundo Zakuthandiza Kubvesesa Bukhu la Nyimbo ya Salomau

Thangwe ranyi bukhuli limbafotokoza kuti lufoyi lacadidi lomwe mtsikanayo akhanalo kwa makabusa ni ‘cirambirambi ca Ya’?

Nfundo Zakuthandiza Kubvesesa Bukhu la Zaiya

Bukhu la Zaiya lina mapolofesiya yomwe yangalimbise cikhulupiro cathu kwa Yahova ndipo tin’dzakhala wakutsimikiza kuti iye ni mpulumusi wathu ndipo an’dzakwanirisa mapiciro yace yense.

Nfundo Zakuthandiza Kubvesesa Bukhu la Jeremiya

Jeremiya adatumikira mwakukhulupirika ninga mpolofeta napo akhazunzidwa. Onani momwe Akristau wa nsiku zino angatewezerere ciratizo cace.

Nfundo Zakuthandiza Kubvesesa Bukhu la Maliro

Bukhu la Maliro lidanembedwa na mpolofeta Jeremiya, ndipo limbalewa mafala yakupasa nsisi ya kupfudzidwa kwa Jeruzalemu. Ndipo lina mafala yomwe yambalatiza kuti kukungula na mtima wense kumbathandiza kuti ticitiridwe nsisi na Mulungu.

Nfundo Zakuthandiza Kubvesesa Bukhu la Zakiyeri

Zakiyeri mwa kulimba mtima na mwakudzicepsa adabvuma kuphata basa lomwe Mulungu adamupasa napo likhali lakunesa. Iye ni ciratizo cabwino kuna ifepano nsiku zino.

Nfundo Zakuthandiza Kubvesesa Bukhu la Danyeri

Danyeri pabodzi na anzace adapitiriza kukhala wakukhulupirika kwa Yahova napo adagumana na bzineso. Ciratizo cawo ca kukhulupirika, cingatithandizembo mu nthawe zino zakumalizira.

Nfundo Zakuthandiza Kubvesesa Bukhu la Ozeya

Bukhu la Ozeya lina nfundo zakuthandiza kwa ife nsiku zino, na nsisi zomwe Yahova anazo kwa wanthu omwe akungula na mtima wense kuphatanidza na mtundu wa kanamatidwe komwe iye ambafuna.

Nfundo Zakuthandiza Kubvesesa Bukhu la Djoweri

Mpolofeta Djoweri adaleweratu bzomwe bzin’dzacitika pa “nsiku ikulu ya Yahova” na bzomwe tingacite kuti tidzapulumuke pa nsikuyo. Polofesiya ya Djoweri njakufunika kwene-kwene nsiku zathu zino.

Nfundo Zakuthandiza Kubvesesa Bukhu la Amosi

Yahova adaphatisa basa munthu wakubzicepswayu kucita basa lakufunika kwene-kwene. Kodi tikupfunza ciyani na ciratizo cabwino ca Amosi?

Nfundo Zakuthandiza Kubvesesa Bukhu la Obadiya

Bukhu la Obadiya ni bukhu ling’ono pa mabukhu ya m’Cihebereu. Mapolofesiya ya m’bukhu la Obadiya yambapereka cidikhiro na kubwezeresedwa kwa Umambo bwa Yahova.

Nfundo Zakuthandiza Kubvesesa Bukhu la Djona

Djona adabvuma kuphonya kwace, adadzacita basa lomwe adapasidwa, ndipo adapfunza na lufoyi lakukhulupirika la Mulungu na nsisi. Bzakugumana nabzo bza Djona bzimbalatiza mtima omwe iye akhawo.

Nfundo Zakuthandiza Kubvesesa Bukhu la Mikeya

Polofesiya yakufuliziridwayi ingalimbise cikhulupiro cathu cakuti Yahova ambatikumbira kucita bzinthu bzomwe tingakwanise na bzomwe bzingatibweresere phindu.

Nfundo Zakuthandiza Kubvesesa Bukhu la Naumi

Polofesiyayi inkutipasa citsimikizo cakuti Yahova nthawe zense an’dzakwanirisa mafala yace, ndipo imbapasa mtsangalazo kwa wale omwe ankulinga mtendere na cipulumuso mu Umambo bwace.

Nfundo Zakuthandiza Kubvesesa Bukhu la Habakuki

Tingakhale na citsimikizo cense cakuti nthawe zense Yahova ambadziwa bzomwe mpsabwino kwa wanthu wace, na njira yabwino yakupulumusira wanthuwo.

Nfundo Zakuthandiza Kubvesesa Bukhu la Sofoniya

Thangwe ranyi tin’funika kusamala kuti tileke kukumbuka kuti nsiku ya Yahova in’dzabwera lini?

Nfundo Zakuthandiza Kubvesesa Bukhu la Hagai

Polofesiyayi imbalewa bza kufunika kuikha patsogolo kunamata Mulungu.

Nfundo Zakuthandiza Kubvesesa Bukhu la Zakariya

Matsophenya yakucita kufuliziridwa pabodzi na mapolofesiya mazinji yadalimbisa wanthu wa Mulungu wa nthawe ya m’mbuyo. Mapolofesiya mabodzi-bodziya yambaticitisa kuthemba thandizo la Yahova nsiku zino.