Bzimogeni bzinthu bzimwebzi

Ndokoni pa menu yaciwiri

Mboni za Yahova

Cinyungwe

Kodi Umambo bwa Mulungu n’Ciani?

Kodi Umambo bwa Mulungu n’Ciani?

Mungalewe kuti ni . . . . . .

  • cinthu comwe ciri mu mtima mwanu?

  • mbuto yomwe iri kudzuluku?

  • ayai ni boma la kudzulu?

 BIBLIYA LIMBATI

“Mulungu wa kudzulu an’dzakhazikisa umambo bomwe cipo bucidzapfudzidwa.”Danyeri 2:44

“Tapasidwa kamwana kamwamuna, ndipo utongi bun’dzakhala pa phewa pace”.Zaiya 9:6

PHINDU LACE MUKAKHULUPIRA BZIMWEBZI

  • Mun’dzakhala na boma lakulungama lomwe lin’dzakuthandizani pa mwekha.Zaiya 48:17, 18.

  • Mu dziko lipsa lomwe linkubweralo, mun’dzakhala na moyo wa thanzi labwinoletu na wacikondweso.Cibvumbulutso 21:3, 4.

 KODI TINGAKHULUPIREDI BZOMWE BIBLIYA LIMBALEWA?

Inde, pa mathangwe mawiri:

  • Jezu adalatiza bzomwe Umambo bwa Mulungu bun’dzacita. Jezu adapfunzisa ateweri wace kupemba kuti Umambo bwa Mulungu bubwere na kuti kufuna kwace kucitike pansi pano. (Mateu 6:9, 10) Jezu adalatiza momwe mpemboyu un’dzatawiridwira.

    Pomwe akhali pansi pano, Jezu adadyesa wanthu wa njala, adapoza atenda na kulamusambo anyakufa! (Mateu 15:29-38; Juwau 11:38-44) Pakukhala mtongi wakutsogolo wa mu Umambo bwa Mulungu, Jezu adalatiza bwino bzinthu bzomwe Umambo bwa Mulungu bun’dzacitira wanthu wace.Cibvumbulutso 11:15.

  • Bzakucitika bza m’dzikoli bzinkulatiziratu kuti Umambo bwa Mulungu bun’fika tsapanopapa. Jezu akhadaleweratu kuti pomwe Umambo bukanati kubweresa mtendere pansi pano, dziko lathuli lingadabonera na nkhondo, njala na bziteke-teke.Mateu 24:3, 7.

    Ifepano tinkubziwona bzimwebzi lero. Tenepo tingakhulupire kuti tsapanopapa, Umambo bwa Mulungu bun’malisa mabvuto yense yomwe yalipoya.

 KUTI MUKUMBUKIRE

Kodi moyo un’dzakhala tani mu utongi bwa Umambo bwa Mulungu?

Bibliya limbatawira mbvunzoyu pa PSALYMO 37:29 na ZAIYA 65:21-23.

Dziwani bzinango

BZIPSA BZABWINO BZAKUCOKERA KWA MULUNGU!

Kodi Mpangano wa Mulungu na Dziko la Pansi Nguponi?

Bibliya limbafotokoza thangwe lomwe Mulungu adalengera dziko la pansi, nthawe yomwe kubonera kundzamala, na tsogolo la dziko na wanthu omwe andzakhala mu dzikolo.