Bzimogeni bzinthu bzimwebzi

Ndokoni pa mbuto ya misolo ya nkhani

 MBALI 1

Kodi Mulungu Ambalewalewa Tani na Ifepano?

Kodi Mulungu Ambalewalewa Tani na Ifepano?

Mulungu ambalewalewa nafe mwakuphatisa basa Bibliya. 2 Timotio 3:16

Mulungu wacadidi adatsogolera wanthu kuti anembe nzeru zace m’bukhu lakupambulika. Bukhulo ni Bibliya. Iro lina nkhani zakufunika kwene-kwene zomwe Mulungu an’funa kuti imwepo mudziwe.

Mulungu ambadziwa bzomwe mpsabwino kwa ifepano. Mungamutetekera, imwepo mun’dzakhala munthu wanzeru kwene-kwene.—Mimwani 1:5.

Mulungu an’funambo kuti wanthu wense awerenge Bibliya. Bibliyalo linkugumanika tsapano m’bzirewedwe bzizinji.

Kuti mutetekere Mulungu, imwepo mun’funika kuwerenga Bibliyalo na kulibvesesa.

 Pa dziko lense la pansi wanthu ankutetekera Mulungu mwa kupfunza Bibliya. Mateu 28:19

Mboni za Yahova zingakuthandizeni kulibvesesa Bibliya.

Izo zimbapfunzisa cadidi cakulewa bza Mulungu pa dziko lense la pansi.

Mun’dzafunikira lini kulipira kuti mupfunzisidwe. Ndipo imwepo mungapfunzembo bza Mulungu ku mitsonkhano ya Mboni za Yahova.