Bzimogeni bzinthu bzimwebzi

Ndokoni pa mbuto ya misolo ya nkhani

 PFUNZIRO 15

Kulewalewa Mwakutsimikiza

Kulewalewa Mwakutsimikiza

1 Watesalonika 1:5

BZOMWE MUNGACITE: Latizani kuti imwepo munkukhulupira na mtima wense kuti bzomwe munkupfunzisabzo mpsacadidi ndipo mpsakufunika kwene-kwene.

MOMWE MUNGACITIRE:

  • Konzekerani bwino-bwino. Ipfunzeni bwino-bwino nkhani yanu mpaka kufika pa kuzindikira nfundo zikulu-zikulu pabodzi na momwe Bibliya linkulatizira kuti nfundozo n’zacadidi. Yezerani kufotokoza nfundo zikulu-zikuluzo mu njira yakusaya kunesa. Kumbukirani momwe nkhaniyo ingathandizire abveseri wanu. Mbapembani kuti Mulungu akupaseni mzimu wakucena.

  • Phatisani basa mafala yakulatiza citsimikizo canu pa nkhaniyo. M’mbuto mwakucita kuwerenga bzomwe bzidanembedwa pa tsamba la nkhani yanu, fotokozani nkhaniyo m’mafala yanu-yanu. Sankhulani mafala yomwe yanilatiza kuti munkukhulupira bzomwe munkufotokozabzo.

  • Lewalewani na mtima wense. Lewalewani na mphanvu yakukwanira. Mbanyang’anisani abveseri wanu, bzikakhala bzakubvumizika.