Bzimogeni bzinthu bzimwebzi

Ndokoni pa menu yaciwiri

Mboni za Yahova

Cinyungwe

Mbani Ankutongadi Dzikoli?

Mbani Ankutongadi Dzikoli?

Mun’kumbuka kuti ni . . .

  • Mulungu?

  • wanthu?

  • ayai cinangombo?

 BIBLIYA LIMBATI

‘Dziko lense liri m’manja mwa nyakuipayo.’1 Juwau 5:19.

‘Mwana wa Mulungu adabwera . . . kudzapfudza mabasa ya dyabu.’1 Juwau 3:8.

PHINDU LACE MUKAKHULUPIRA BZIMWEBZI

Mun’dzagumana mitawiro yakulongosoka ya mabvuto ya m’dzikoli.Cibvumbulutso 12:12.

Mun’dzakhala na mathangwe yakukhulupira kuti dziko lathuli lin’dzacinja, licikhala labwino.1 Juwau 2:17.

 KODI TINGAKHULUPIREDI BZOMWE BIBLIYA LIMBALEWA?

Inde, pa mathangwe matatu:

  • Utongi bwa Sathani Bwamala kale. Yahova watonga kumalisa utongi bwa Sathani kwa wanthu. Iye ankupicira ‘kudzapfudza Dyabu,’ acibwezereseratu bzense bzomwe iye adadzonga.—1 Wahebereu 2:14.

  • Mulungu adasankhula Jezu Kristu kuti atonge dziko. Jezu ambatsutsaniratu na mtongi wakuipa wa dzikoli. Pakulewa bza utongi bwa Jezu, Mulungu akupicira kuti: ‘Iye an’dzawabvera nsisi anyakubzicepswa na wamphawi. . . An’dzalombola moyo wa anyakuponderezedwa na anyakucitiridwa ciwembo.’Psalymo 72:13, 14.

  • Mulungu anganame lini. Bibliya limbaleweratu padeca kuti: ‘Mpsakutazika kuti Mulungu aname.’ (Wahebereu 6:18) Yahova akapicira kucita cinthu, bzimbakhala nigati bzacitika kale! (Zaiya 55:10, 11) ‘An’cosedwa kunja mtongi wa dziko la pansi lino.’Juwau 12:31.

 KUTI MUKUMBUKIRE

Kodi dzikoli lin’dzakhala tani akadzacosedwa mtongi wace?

Bibliya limbatawira mbvunzoyu pa PSALYMO 37:10, 11 na CIBVUMBULUTSO 21:3, 4.

Dziwani bzinango

BZIPSA BZABWINO BZAKUCOKERA KWA MULUNGU!

Kodi Mpangano wa Mulungu na Dziko la Pansi Nguponi?

Bibliya limbafotokoza thangwe lomwe Mulungu adalengera dziko la pansi, nthawe yomwe kubonera kundzamala, na tsogolo la dziko na wanthu omwe andzakhala mu dzikolo.