Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Mbani Ankucita Kufuna kwa Yahova Lero Lino?

 PFUNZIRO 17

Kodi Anyakuyang’anira Dera Wambatithandiza Tani?

Kodi Anyakuyang’anira Dera Wambatithandiza Tani?

Malawi

Thimu la utumiki

Utumiki bwa kumunda

Mtsonkhano wa akulu

M’Bzinembo Bzacigrego bza Wakristau, Barnaba na mpostolo Paulo yambagumidwa mwakubwereza-bwereza. Amunawa wadatumikira ninga anyakunyang’anira wakuyenda-yenda, wacimbazungira magwere yakuyambirira. Thangwe ranyi? Iwo wakhana thupo cairo na abale wawo wauzimu. Paulo adalewa kuti iye adafuna ‘kukazungira abalewo’ kuti akawone momwe iwo wakhaliri. Iye akhafunisisa kucita ulendo bwa mtantho wakutalimpha makilometro dzana libodzi kuti akawalimbise. (Mabasa 15:36) Cimweci ndico cikhumbo ca anyakunyang’anira wakuyenda-yenda wa nsiku zino.

Iwo wambabwera kudzatilimbisa. Nyakunyang’anira dera ali-wense ambazungira magwere yakukwana 20, ndipo ambakhala mdzinga ubodzi na gwere liri-lense, kawiri pa gole. Ifepano timbagumana phindu likulu na cizolowezi ca abalewa na ca azikazi wawo, wakakhala wadalowola. Iwo wambacita nyongo ya kudziwa wana na akulu-akulu, ndipo wambafunisisa kuwaperekeza mu utumiki bwa kumunda na ku mapfunziro ya Bibliya. Anyakunyang’anirawa wambacita cizungiro ca ubusa pabodzi na akulu, ndipo wambatilimbisa, mwa kutifotokozera nkhani zakulimbisa pa mitsonkhano ya gwere na pa mitsonkhano mikulu-mikulu.Mabasa 15:35.

Iwo wambatisamalira tense. Anyakunyang’anira wakuyenda-yenda wambafunisisa kusamalira uzimu bwa magwere. Iwo wambatsonkhana na akulu pabodzi na atumiki wakuthandiza kuti awone momwe gwere layendera patsogolo, na kuperekambo malango yakufunika kuti waphate bwino mabasa yawo. Iwo wambathandiza apainiya kupitiriza kucita utumiki bwawo, ndipo wambakondwa kudziwana na wanthu wapsa na kubva momwe wankuyendera patsogolo mwauzimu. M’bodzi na m’bodzi wa abalewa ambabziperekeratu ninga ‘mwanzathu wa basa wakutithandiza.’ (2 Wakolinto 8:23) Ifepano tin’funika kutewezera cikhulupiro na kubzipereka kwawo kwa Mulungu.Wahebereu 13:7.

  • Kodi anyakunyang’anira dera wambazungira magwere na thangwe liponi?

  • Kodi kuzungira kwawo kungakupaseni phindu liponi?

Dziwani bzinango

MBANI ANKUCITA KUFUNA KWA YAHOVA LERO LINO?

Thangwe Ranyi Timbawonekera pa Mitsonkhano Mikulu-mikulu?

Pa gole liri-lense, ifepano timbatsonkhana pabodzi pa mitsonkhano mitatu yakupambulika. Kodi mitsonkhano imweyi ingakupaseni phindu liponi?

MBANI ANKUCITA KUFUNA KWA YAHOVA LERO LINO?

Kodi Basa Lathu Lakupalizira Umambo Lidalinganizidwa Tani?

Ifepano timbatewezera ciratizo ca Jezu pomwe iye akhali pansi pano. Kodi nziponi njira zinango zakupalizirira?