Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Mbani Ankucita Kufuna kwa Yahova Lero Lino?

Kodi Mun’dzacita Imwepo Kufuna kwa Yahova?

Kodi Mun’dzacita Imwepo Kufuna kwa Yahova?

Tinkutenda kwene-kwene thangwe ra kupambula nthawe ya kuwerenga broxurali kuti muzolowerane na Mboni za Yahova, mupfunze bza mabasa yathu na kuwona momwe gulu lathu linkuphatira basa. Tinkukhulupira kuti broxurali lakuthandizani kutizindikira ninga wale womwe wankucita kufuna kwa Yahova lero lino. Tinkukulimbisani kupitiriza kugumana cidziwiso ca Mulungu, kuuza wadzinza wanu na axamwali wanu bzomwe mwapfunzabzo pabodzi na kumbawonekera pa mitsonkhano yathu Yacikristau.Wahebereu 10:23-25.

Imwepo mun’dzawona kuti pomwe munkupfunza bzizinji bza Yahova, mun’dzakwanisa kuwonambo momwe iye ambakufunirani kwene-kwene. Tenepo, mun’dzafuna kucita ciri-cense kuti mum’funembo. (1 Juwau 4:8-10, 19) Tsono, kodi mungawonese tani lufoyi ranu kwa Mulungu nsiku zense pa moyo wanu? Thangwe ranyi kubvera mitemo yace yakulewa bza makhalidwe yabwino mpsakufunika kwene-kwene kwa imwepo? Ndipo n’ciyani cin’dzakuthandizani kucita kufuna kwa Mulungu pabodzi na ifepano? Mpfunzisi wanu wa Bibliya an’kondwa kugumana namwe mitawiro ya mibvunzoyi kuti imwepo pabodzi na wadzinza wanu ‘mupitirize kufunidwa na Mulungu, . . . kuti mudzatambire moyo wakusaya kumala.’Juda 21.

Ifepano tinkukulimbisani kupitiriza kuyenda patsogolo mu njira ya cadidi mwa kupfunza bukhuli . . .

 

Dziwani bzinango

MAKONZEDWE YA KUPFUNZA BIBLIYA

Thangwe Ranyi Tin’funika Kupfunza Bibliya?

Bibliya linkupereka mitawiro ya mibvunzo yakufunika kwene-kwene kwa wanthu bzulu na bzulu, kuzungulira dziko lense la pansi. Kodi mun’funa kukhalambo m’bodzi wa wanthu amwewo?