Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Mbani Ankucita Kufuna kwa Yahova Lero Lino?

 PFUNZIRO 5

Kodi un’dzabzibva Tani pa Mitsonkhano Yathu Yacikristau?

Kodi un’dzabzibva Tani pa Mitsonkhano Yathu Yacikristau?

Argentina

Serra Leoa

Bélgica

Malásia

Wanthu wazinji waleka kuwonekera pa mabasa yacipembedzo thangwe ra kusaya kugumana utsogoleri bwauzimu na mtsangalazo. Tsono, kodi thangwe ranyi mun’funika kumbawonekera pa mitsonkhano yakulinganizidwa na Mboni za Yahova? Kodi mun’dzagumana ciyani kumweko?

Cikondweso cakukhala pakati pa wanthu wa lufoyi na wakusamalana. Pa magole dzana yakutoma, Wakristau wakhadalinganizidwa m’magwere, ndipo iwo wakhapitiriza kutsonkhana kuti wanamate Mulungu, kupfunza Bibliya na kulimbisana. (Wahebereu 10:24, 25) Pomwe wakhatsonkhana na anzawo, iwo wakhabzibva kukhala pakati pa axamwali wacadidi—abale wawo wauzimu. (2 Watesalonika 1:3; 3 Juwau 14) Ifepano timbatewezera ciratizo ca Wakristau wakuyambirira, ndipo timbabva cikondweso cibodzi-bodzico.

Phindu la kupfunza momwe tingaphatisire basa mitemo ya m’Bibliya. Ninga momwe bzikhaliri mu nthawe za mbuyo, amuna, akazi na wana wambatsonkhanambo wense pabodzi nsiku zino. Apfunzisi wa luso wambaphatisa basa Bibliya kuti watithandize kuzindikira momwe tingaphatisire basa mitemo yace pa moyo wathu wa nsiku na nsiku. (Bzakutonga 31:12; Nehemiya 8: 8) Wense pa mtsonkhanopo, wangatawire pa mbali za mibvunzo na mitawiro pabodzi na kuimba, komwe kumbatipasa mpata wakufokotoza cidikhiro.Wahebereu 10:23.

Cisimbo cakukhala na cikhulupiro canu cakulimbisidwa na Mulungu. Mpostolo Paulo adauza gwere libodzi la mu nthawe yace kuti: ‘Ndina cisuwo cakukuwonani, . . . kuti tirimbisane, ali-wense na cikhulupiro comwe mwanzace anaco, canu na cangu.’ (Waroma 1:11, 12) Pa mitsonkhano yathu, tikambaceza kawiri-kawiri na anzathu, cikhulupiro cathu cimbalimba, ticifunisisa kukhala na moyo Wacikristau.

Kodi mun’sayiranyi kubvuma mcemo wakukawonekera pa mtsonkhano wathu wa gwere womwe unkubwerayu, mucidzabva mwekha bzinthu bzimwebzi? Imwepo mun’dzatambiridwa na manja mawiri. Mitsonkhano yathu yense njafovolo—pambakumbiridwa lini kobiri.

  • Kodi mitsonkhano yathu imbateweza njira za yani?

  • Kodi ni phindu liponi lomwe tingagumane tikambawonekera pa mitsonkhano yacikristau?

Dziwani bzinango

MITSONKHANO

N’ciyani Cimbacitika mu Nyumba ya Umambo?

Pitani kuti muwone mwekha.

BZA IFE

Mitsonkhano ya Gwere ya Mboni za Yahova

Dziwani bza mbuto za mitsonkhano yathu pabodzi na momwe timbanamatira.