Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Kabukhu ka Mitsonkhano wa Moyo Wathu Wacikristau na Utumiki  |  Setembro 2016

 CUMA CA M’FALA LA MULUNGU | PSALYMO 119

“Mbatewezani Bzakutonga bza Yahova”

“Mbatewezani Bzakutonga bza Yahova”

Kuteweza bzakutonga bza Yahova kumbathandauza kubvera utsogoleri bwa Mulungu mwakucita kufuna. M’Bibliya muna bziratizo bzabwino bzizinji bza wanthu omwe adakhulupira Yahova na kuteweza bzakutonga bzace, ninga momwe adacitira munembi wa psalymo.

Mpsakufunika kuteweza bzakutonga bza Mulungu kuti tigumane cikondweso cacadidi

119:1-8

Djosuwe adakhulupira utsogoleri bwa Yahova na mtima wense. Iye adazindikira kuti akhafunika kukhulupira Yahova na mtima wace wense kuti bzinthu bzimufambire bwino na kukhala wakukondwa

Fala la Mulungu limbatithandiza kukhala wakulimba mtima kuti tikwanise kulimbana na mabvuto ya pa moyo wathu

119:33-40

Pa nthawe ya mabvuto, Jeremiya adalimba mtima, acikhulupira Yahova. Iye adapitiriza kukhala na moyo wakusaya kufuna bzizinji, acipirira na utumiki bwace

Cidziwiso cacadidi ca m’Fala la Mulungu cimbatithandiza kupalizira mwakusaya mantha

119:41-48

Mpostolo Paulo akhagopa lini kupalizira mafala ya Mulungu kwa munthu ali-wense. Mwakulimba mtima Paulo adapalizira Felix, mtongi waciroma. Iye adakwanisa kucita bzimwebzo thangwe akhakhulupira thandizo la Yahova

Kodi ni mbuto ziponi zomwe ndingafunike kukhulupira kwene-kwene Yahova kuti ndikwanise kupalizira wanthu winango?

  • Ku xikola

  • Ku Basa

  • Ku mui

  • Ayai ku mbuto zinango