Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Setembro 2016

 KUKHALA NA MOYO WACIKRISTAU

Kukulisa Luso Lathu mu Utumiki—Limbisani Wanthu Wakufunisisa Kuti Ambabwere ku Mitsonkhano

Kukulisa Luso Lathu mu Utumiki—Limbisani Wanthu Wakufunisisa Kuti Ambabwere ku Mitsonkhano

THANGWE RANYI MPSAKUFUNIKA: Mitsonkhano imbatipasa mipata ya ‘kuimbira Yahova’ na ‘kumutumbiza.’ (Psal 149:1) Pa mitsonkhano, ifepano timbapfunzisidwa kucita kufuna kwa Mulungu. (Psal 143:10) Kawiri-kawiri, anyakupfunza Bibliya na wanthu omwe ambafunisisa kudziwa bzizinji ambapita patsogolo mwauzimu, akandoyamba kubwera pa mitsonkhano.

MOMWE MUNGACITIRE:

  • Lekani kumbacedwa kuwauza wanthu kuti ambabwere ku mitsonkhano yathu. Mun’funika lini kuyamba kupfunza nawo Bibliya kuti muwauze bwino.—Cibv 22:17

  • Mukamuuza munthu kuti adzabwere ku mitsonkhano, muuzenimbo momwe mitsonkhanoyo imbacitidwira pabodzi na bzomwe bzin’dzafotokozedwa. Mungacite bzimwebzo mwa kumupasa mcemo wa mitsonkhano ya gwere, kumuwonesa vidiyo yakuti N’ciyani Cimbacitika mu Nyumba ya Umambo? ayai kuceza naye misolo 5 na 7 ya mu broxura lakuti Kufuna kwa Yahova

  • Bziperekeni kuti mumuthandize. Pinango mungathandize munthuyo mwa kukamutenga kuti muyende naye pabodzi ku mitsonkhanoko ayai mungamuthandize kusankhula bzakubvala bzakuthemera. Khalani naye pabodzi, mucimbawona naye mavesi ya m’Bibliya na mabukhu yomwe yankuphatisidwa basa. Muthandizeni kudziwana na abale