Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Outubro 2016

 KUKHALA NA MOYO WACIKRISTAU

Kodi Munkuphatisa Basa Tumakhadi twa JW.ORG?

Kodi Munkuphatisa Basa Tumakhadi twa JW.ORG?

Pakuti citsautso cikulu ciri pafupi, tin’funika kucita basa lathu la kupalizira mwakamfulumize. (Mim 24:11, 12, 20) Kuti tithandize wanthu kufuna Fala la Mulungu na kupita mu webisaite yathu, ifepano tingaphatise basa tumakhadi twa JW.ORG. Tumakhaditu, tuna kodiko yomwe imbafungula vidiyo yakuti Thangwe Ranyi Tin’funika Kupfunza Bibliya?, na mbuto yomwe munthu angadzaze kuti akumbire pfunziro la Bibliya. Wanthu winango ambalamba kutambira mabukhu yathu, koma ambabvuma kupita pa webisaite yathu ya jw.org. Tenepo, lekani kuzeza kuwapasa kakhadiko. Tsono lekani kupereka kakhadiko kwa wanthu omwe ankufunisisa lini kudziwa bzizinji.

Pa bzakucita bzanu bza nsiku na nsiku, mungayambise maceza na munthu mwakulewa tenepa: “Ndina cinthu comwe ndin’funa kukupasani. Kakhadika kankupitisani mu webisaite yathu momwe mun’gumana nkhani na mavidiyo yakusiyana-siyana.” (Ju 4:7) Pakuti tumakhaditu nʼtungʼono, imwepo mungatenge twakucepa kuti mugawire wanthu pa mpata uli-wense.