Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Março 2017

 KUKHALA NA MOYO WACIKRISTAU

Momwe Tingaphatisire Basa Broxura Lakuti Tetekerani Mulungu

Momwe Tingaphatisire Basa Broxura Lakuti Tetekerani Mulungu

Broxura lakuti Tetekerani Mulungu lidakonzedwa kuti timbapfunzise cadidi ca m’Bibliya mwa kuphatisa basa bzithunzi-thunzi kwa wale omwe ambaneseka kuwerenga. Matsamba mawiri yali-yense ni pfunziro libodzi ndipo m’mphepete mwa cithunzi-thunzi ciri-cense muna kacizindikiro komwe kambalatiza cithunzi-thunzi cakutewera cakuti mucezerane.

Broxura lakuti Tetekerani Mulungu ndipo Khalani na Moyo Wakusaya Kumala lina bzithunzi-thunzi bzibodzi-bodzi na bzomwe bziripo mu Tetekerani Mulungu, tsono iro lina mafala mazinji ndipo lingaperekedwe kwa nyakupfunza wa Bibliya omwe ambakwanisa kuwerenga. Ndipo apalizi azinji ambafuna kumbapfunzisa na limweri pomwe nyakupfunza ana la Tetekerani Mulungu. Mbali zizinji za broxurali zina makwadru yomwe yana nfundo zakuthumizira zomwe mungacezerane mwakubverana na luso la nyakupfunzayo.

Mungagawire mabroxuraya nthawe iri-yense, napo yacikhala kuti yankugawiridwa lini mwezi umweyo. Pomwe munkucitisa pfunziro la Bibliya, phatisani basa bzithunzi-thunzi pakufotokoza nfundo za m’Bibliya. Mungacite mibvunzo kuti nyakupfunzayo atengembo mbali nakuti muwone penu iye ankubvesesa bzomwe ankupfunzabzo. Werengani na kucezerana mavesi yomwe yankugumanika kuphampha kwa tsamba liri-lense. Mukamaliza broxurali, pfunzani bukhu lakuti Kodi Bibliya Limbapfunzisa Ciyani Maka-maka? ayai lakuti Bzomwe Bibliya Limbapfunzisa kuti muthandize nyakupfunza wanu kuyenda patsogolo mpaka kubatizidwa.