Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Março 2016

 BZIPEREKENI MU UTUMIKI BWAKUMUNDA

Kukulisa Luso Lathu mu Utumiki—Konzani Ciratizo Canu-canu ca Kugawira Revista

Kukulisa Luso Lathu mu Utumiki—Konzani Ciratizo Canu-canu ca Kugawira Revista
ONANI
Mafala
Cithunzi-thunzi

THANGWE RANYI MPSAKUFUNIKA: Napo bziratizo bza upalizi bzomwe bzimbagumanika mu kabukhu ka mitsonkhano bzimbapereka malango yakuthandiza, tsono ibzo ni pakuyambira. Imwepo mun’funika kuphatisa basa mafala yanu-yanu. Mungasankhule mafala yakufuna kundendemerana na bziratizobzo ayai mungawone nkhani inango yomwe ingakhale yakuthandiza mu gawo lanu. Na tenepo, pambuyo pakuti mwawerenga revista, muciwona bziratizo bza upalizi, na kuwonambo vidiyo ya bziratizo bza upalizi, mungaphatise basa malango yakuteweraya kuti mukonze ciratizo canu.

MOMWE MUNGACITIRE:

Mungabzibvunze, ‘Kodi ndikufuna kuphatisa basa cibodzi mwa bziratizo bza upalizibzi?’

INDE

  • Konzekerani mafala yanu yakufungulira. Mukamala kumusana, lewani thangwe ra ulendo bwanu. (Mwa ciratizo: “Ndiri pano thangwe ra . . . ”)

  • Onani momwe mungakacitire mbvunzo, pakuwerenga vesi, na pakugawira revista. (Mwa ciratizo: Kuti muwerenge vesi, mungalewe mafala aya: “Mtawiro wabwino wa mbvunzoyu ungagumanike apa.”)

NE

  • Sankhulani nkhani ya mu revista yomwe yakudekerani ndipo ingathandize mu gawo lanu

  • Sankhulani mbvunzo omwe ungakacitise mweneciro mui kulewa nzeru yace pa nkhaniyo uciyambisa maceza koma ucisaya kumucitisa manyazi. (Mwa ciratizo: Mbvunzo omwe unkugumanika pa tsamba 2 wa m’marevista.)

  • Sankhulani vesi kuti muwerenge. (Penu munkugawira Galamukani! mungasankhule kuwerenga vesi ayai ne, pakuti revistayi yakonzedwera wale omwe ana cidziwiso cakucepa ca Bibliya pabodzi na omwe ambakhulupira lini cipembedzo.)

  • Nembani mafala yakufotokoza momwe mweneciro mui an’dzagumanira phindu mwa kuwerenga nkhaniyo

PA MBALI ZENSE ZIWIRI

  • Konzekerani mbvunzo wakutewera kuti mudzatawire pa ulendo bwakubwereza

  • Nembani nfundo zomwe zingadzakuthandizeni kukumbukira bzomwe mun’dzafuna kulewa pa ulendo bwakutewera