Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Kabukhu ka Mitsonkhano wa Moyo Wathu Wacikristau na Utumiki  |  Março 2016

 CUMA CA M’FALA LA MULUNGU | DJOBI 6-10

Djobi Ankufotokoza Mabvuto Yace

Djobi Ankufotokoza Mabvuto Yace

Djobi akhadaluza bzinthu bzense, akhadaferedwa wana wace ndipo akhana matenda makulu, koma iye adapitiriza kukhala wakukhulupirika. Tenepo Sathani adayezera kumucitisa kutaya mtima kuti asiye kukhulupirika kwace. Axamwali wace atatu adafika. Pakuyamba iwo adabziwonesera ninga wanthu wabwino. Wadakhala na Djobi nsiku zinomwe, ndipo alibe kulewa fala ne na libodzilo la kumutsangalaza. Mafala yomwe adalewa patsogolo pace yadakhala ya kumutsutsa na ya kumupasa mulandu.

Djobi adapitiriza kukhala wakukhulupirika kwa Yahova napo pa citsutso cikulu

6:3; 7:16; 9:20-22; 10:1, 12

  • Msunamo udacitisa kuti Djobi akhale na makumbukidwe yakuphonyeka. Iye adakumbuka mwakuphonyeka kuti Mulungu alibe nabzo basa penu iye angadapitiriza kukhala wakukhulupirika ayai ne

  • Thangwe ra kutaya mtima, Djobi alibe kukwanisa kuzindikira bzinthu bzinango bzomwe bzikhamucitisa kuti abonere

  • Napo pa msunamo, Djobi adapitiriza kuuza anyakutsutsa wace bza lufoyi lace kuna Yahova