Bzimogeni bzinthu bzimwebzi

Ndokoni pa mbuto ya misolo ya nkhani

 CUMA CA M’FALA LA MULUNGU | MARKO 9-10

Matsomphenya Yomwe Yambalimbisa Cikhulupiro

Matsomphenya Yomwe Yambalimbisa Cikhulupiro

9:1-7

Pa nthawe yomwe Jezu adasandulika, kumbukirani momwe iye adakhalira wakukondwa pomwe adabva Pai wace ankulewa kuti ambakomedwa naye. Mpsakusaya kupenukira kuti mafalaya yadalimbisa Jezuyo pa kubonera komwe angadadzagumana nako kutsogolo. Ndipo matsomphenyaya, yadalimbisambo kwene-kwene Pedru, Tiyago na Juwau. Jezu akhalidi Mesiya, ndipo kumubvera cikhali cinthu cabwino kucita. Patapita magole 32, Pedru akhakumbukira basi matsomphenya yale, yomwe yadalimbisa cikhulupiro cace pa ‘mafala ya mapolofesiya.’—2Pe 1:16-19.

Napo tiribe kucita kuwona na maso yathu matsomphenyaya, koma ifepano tinkucitira umboni kukwanisika kwace. Jezu ankutonga ninga Mambo wamphanvu. Tsapanopapa, iye ‘animaliza kukunda kwace,’ acifungula njira yakupitira mu dziko lipsa.—Cibv 6:2.

Kodi kuwona kukwanisika kwa mapolofesiya ya m’Bibliya kumbalimbisa tani cikhulupiro canu?