Bzimogeni bzinthu bzimwebzi

Ndokoni pa mbuto ya misolo ya nkhani

 KUKHALA NA MOYO WACIKRISTAU

Citisani Kuti Pfunziro Lanu Lapamwekha la Bibliya Likhale la Phindu

Citisani Kuti Pfunziro Lanu Lapamwekha la Bibliya Likhale la Phindu

THANGWE RANYI MPSAKUFUNIKA: Kucita pfunziro lapatekha, kumbatithandiza ‘kudziwa bwino kufupika, kutalimpha, kukula na kuzika’ kwa cadidi. (Wayef 3:18) Ndipo limbatithandizambo kupitiriza kukhala wakusaya mulandu mu dziko lakuipali ticipitiriza ‘kuphatisisa mwa mphanvu mafala ya Moyo.’ (Waf 2:15, 16) Pa pfunziro lathu la patekha, tingasankhule nkhani yomwe tingafune kuti tiipfunze. Kodi tingacite ciyani kuti pa nthawe yomwe tinkupfunza Bibliya ikhale ya phindu kwene-kwene?

MOMWE MUNGACITIRE:

  • Kwalani mavesi ayai nembani nfundo zikulu-zikulu zomwe mwapfunza mu Bibliya lomwe mumbaphatisa basa pakucita pfunziro la pamwekha, napo pa tsamba mu tablet ayai mu mtedwe

  • Pakupfunzapo mbabzibvunzani mibvunzo ninga iyi: ‘Mbani? Ciyani? Lini? Kuponi? Thangwe ranyi? Bzidakhala tani?’

  • Fufudzani bza nkhani yomwe mwawerengayo kuti mudziwe bzizinji. Phatisani basa bzinthu bzakufufudzira bzomwe munabzo kuti mufufudze nkhani iri-yense ayai mavesi yomwe mwawerenga

  • Kumbukirani bzomwe mwawerengabzo, muciwonambo momwe imwepo mungabziphatisire basa

  • Phatisani basa bzomwe mwawerengabzo pa moyo wanu wa nsiku na nsiku.—Lu 6:47, 48

ONANI VIDIYO YA MSOLO WAKUTI: PITIRIZANI ‘KUPHATISISA MWA MPHANVU MAFALA YA MOYO’ MWA KUCITA NYONGO PAKUPFUNZA, MUKAMALA TAWIRANI MIBVUNZO YAKUTEWERAYI:

  • Kodi wanthu winango ambalewa ciyani bza pfunziro lapawokha la Bibliya?

  • Thangwe ranyi pfunziro lathu la patekha lin’funika kuyamba na mpembo?

  • Kodi n’ciyani cingatithandize kubvesesa bwino nkhani yomwe tawerenga?

  • Kodi tingakwale tani nfundo zakufunika m’Bibliya lathu lomwe timbaphatisa basa pakucita pfunziro la patekha?

  • Thangwe ranyi kukumbukira bzomwe tinkuwerenga m’Fala la Mulungu n’kwakufunika?

  • Kodi tinfunika kucita ciyani na bzinthu bzomwe tapfunzabzo?

‘Ndimbafunadi lamulo lanu! Nsiku yense ndimbalikumbukira.’ —Psal 119:97