Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Janeiro 2017

 KUKHALA NA MOYO WACIKRISTAU

Lekani Kuyebwa Kupembera Abale Omwe Ankuzunzidwa

Lekani Kuyebwa Kupembera Abale Omwe Ankuzunzidwa

Bibliya likhadaleweratu kuti Sathani angadatizunza kuti atitazise kucita basa lathu lakupalizira. (Ju 15:20; Cibv 12:17) Tenepo, kodi tingathandize tani abale wathu omwe ankuzunzidwa m’madziko manango? Tingawathandize mwakuwacitira mipembo pakuti Bibliya limbati: ‘Mpembo wakudandaula wa munthu wakulungama umbaphata basa mwa mphanvu kwene-kwene.’—Tiy 5:16.

Kodi tingawapembere pa bzinthu bziponi? Tingakumbire Yahova kuti alimbise abale wathu na kuwathandiza kuti aleke kugopa. (Zai 41:10-13) Tingamukumbirembo kuti acitise atsogoleri wa boma kubvumiza basa lathu lakupalizira nakuti ‘tikhale na moyo wakuderekha na wa mtendere.’—1Tim 2:1, 2.

Pomwe Paulo na Pedru akhazunzidwa, Akristau wakuyambirira akhawapembera, ndipo iwo akhambalewa madzina yawo m’mipemboyo. (Mab 12:5; War 15:30, 31) N’cadidi kuti tingadziwe lini madzina ya abale wense omwe ankuzunzidwa nsiku zino, koma napo bziri tenepo, ifepano tingalewe dzina la gwere, gawo ayai dziko lawo.

Nembani madziko yomwe yana abale omwe ankuzunzidwa, ndipo mun’funa kuwapembera.