Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Kabukhu ka Mitsonkhano wa Moyo Wathu Wacikristau na Utumiki  |  Fevereiro 2018

 CUMA CA M’FALA LA MULUNGU | MATEU 14-15

Adadyesa Wanthu Azinji Mwakuphatisa Basa Wanthu Ang’ono-ng’ono

Adadyesa Wanthu Azinji Mwakuphatisa Basa Wanthu Ang’ono-ng’ono

Itasala pangʼono kucitika Paskwa mu 32 EC, Jezu adacita cakudabwisa cibodzi comwe cidanembedwa m’bukhu la Mateu, Marko, Luka na Juwau.

Mwa cakudabwisa comwe adacita cire iye adapereka ciratizo comwe cinkutewezeredwa mu nsiku zathu zino.

14:16-21

  • Jezu adauza anyakupfunza wace kuti adyese mathimu ya wanthu, napo kuti iwo akhana mikate mixanu yokha na nsomba ziwiri

  • Jezu adatenga mikate mixanu na nsomba ziwiri zire ndipo pambuyo pa kupemba, iye adayamba kugawanisa anyakupfunza wace, ndipo anyakupfunzawo adagawanisambo thimulo

  • Mwakudabwisa, cakudyaco cidakhala cizinji mwakuti cidakwanira wanthu wense. Jezu adadyesa azinji mwakuphatisa basa anyakupfunza wace ang’ono-ng’ono

  • Jezu akhadaleweratu kuti mu nsiku zakumalizira, iye angadadzakhazikisa njira yakuperekera cakudya cauzimu ‘pa nthawe yakuthemera.’—Mat 24:45

  • Mu 1919, Jezu adasankhula ‘kapolo wakukhulupirika na wanzeru’ omwe ni kathimu kang’ono-ng’ono ka Akristau wakudzozedwa, kuti kambadyese wa ‘pamui pace’

  • Mwakuphatisa basa kathimu ka abale wakudzozedwawa, Jezu ankuteweza mkonzedwe omwe adalinganiza m’magole dzana yakutoma

Kodi ndingalatize tani kuti ndimbazindikira na kulemekeza njira yomwe Jezu ambaiphatisa basa kuti adyese wanthu mwauzimu?