Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Moyo Wathu Wacikristau na Utumiki–Kabukhu ka Mitsonkhano  |  Fevereiro 2017

KUKHALA NA MOYO WACIKRISTAU

Thandizani Wana Wanu Kukhala na Cikhulupiro Cakulimba kwa Mulengi Wathu

Thandizani Wana Wanu Kukhala na Cikhulupiro Cakulimba kwa Mulengi Wathu

Cirengedwe cimbadziwisa umbiri bwa Yahova. (Psal 19:1-4; 139:14) Tsono mwakusiyana na cirengedweci, dziko la Sathaniri, limbapereka bzipfunziso bzomwe bzimbanyoza Mulungu pa nkhani ya momwe moyo udayambira. (War 1:18-25) Kodi imwepo mungathandize tani wana wanu kuleka kukhulupira bzipfunziso bzimwebzi? Kuyambira pomwe iwo akali ang’ono, apfunziseni kukhulupira kuti Yahova alipodi, nakuti iye ambawasamalira. (2Wak 10:4, 5; Wayef 6:16) Zindikirani bzomwe iwo ambakumbuka pa bzomwe iwo ambapfunzisidwa ku xikola, ndipo phatisani basa mabukhu na bzinthu bzinango bzakusiyana-siyana bzomwe bziripo kuti muwatokonye mtima.—Mim 20:5; Tiy 1:19.

ONANI VIDIYO YAKUTI BZOMWE MASWAKA MANANGO YAMBALEWA—KUKHULUPIRA KUTI MULUNGU ALIPODI, PATSOGOLO PACE CEZERANANI MIBVUNZO IYI:

  • Kodi mpsiponi bzomwe wanthu ambakhulupira pakulewa bza Mulungu?

  • Kodi mpsiponi bzomwe mumbapfunzisidwa ku xikola?

  • Kodi n’ciyani comwe cimbakutsimikizirani kuti Yahova alipodi?

  • Kodi mungathandize tani munthu kukhulupira kuti ni Mulungu omwe adalenga bzinthu bzense?