Bzimogeni bzinthu bzimwebzi

Ndokoni pa mbuto ya misolo ya nkhani

 KUKHALA NA MOYO WACIKRISTAU

Kukulisa Luso Lathu Mu Utumiki—Thandizani Omwe ana ‘Makumbukidwe Yabwino’ Kuti Akhale Anyakupfunza

Kukulisa Luso Lathu Mu Utumiki—Thandizani Omwe ana ‘Makumbukidwe Yabwino’ Kuti Akhale Anyakupfunza

THANGWE RANYI MPSAKUFUNIKA: Yahova ambacitisa mbeu ya cadidi kukula m’mitima ya wale omwe ana ‘makumbukidwe yabwino’ yomwe yaniwathandiza kugumana moyo wakusaya kumala. (Mab 13:48; 1Wak 3:7) Tikambacita nyongo na kutsungira kupalizira wale omwe an’funa kuphatisa basa bzomwe ankupfunza, timbakhala tinkuphata basa pabodzi na Yahova. (1Wak 9:26) Anyakupfunza wa Bibliya an’funika kubvesesa kuti batismo yacikristau njakufunika kuti adzapulumuke. (1Pe 3:21) Timbawathandiza kukhala anyakupfunza mwa kuwapfunzisa kuti acinje moyo wawo, apalizire, apfunzise na kubzipereka kwa Yahova.—Mat 28:19, 20.

MOMWE MUNGACITIRE:

  • Mbakumbusani anyakupfunza wanu wa Bibliya kuti cakulinga ca pfunzirolo n’cakuwathandiza ‘kudziwa’ Yahova na kumukondwesa.—Ju 17:3

  • Athandizeni kukula mwauzimu mwa kuwathandiza kukunda bzineso ninga bzizolowezi bzakuipa na kumbaceza na wanthu wa makhalidwe yakuipa

  • Alimbiseni pomwe akanati kubatizidwa na pambuyo pakubatizidwa.—Mab 14:22

ONANI VIDIYO YAKUTI YAHOVA MULUNGU AN’DZAKUTHANDIZANI, MUKAMALA TAWIRANI MIBVUNZO YAKUTEWERAYI:

  • N’ciyani cingacitise munthu kubva mantha acisaya kubzipereka kwa Yahova na kubatizidwa?

  • Kodi akulu angathandize tani anyakupfunza wa Bibliya kukula mwauzimu?

  • Kodi Zaiya 41:10 ambatipfunzisa ciyani pakulewa bza Yahova?

  • Kodi ni makhalidwe yaponi yomwe yan’dzatithandiza kutumikira Yahova mu njira yakubvumizika napo ndife wakuperewera?

Kodi tingaphate tani basa pabodzi na Yahova pakupfunzisa wanthu?