THANGWE RANYI PSAKUFUNIKA: Wanthu an’funika kupfunza mitemo ya Yahova na kuiphatisira basa kuti amunamate mu njira yakubvumizika. (Zai 2:3, 4) Bukhu la Mulungu Apitirize Kukukondanini bukhu laciwiri lakupfunzira, ndipo limbathandiza nyakupfunza wa Bibliya kuzindikira momwe angaphatisire basa mitemo ya Mulungu, pa moyo wace wa nsiku na nsiku. (Waheb 5:14) Tenepo, pomwe tinkuwapfunzisa, tin’funika kucita nyongo ya kuwatokonya mtima kuti awone thangwe race an’funika kucita macinjidwe pa moyo wawo.—War 6:17.

MOMWE MUNGACITIRE:

  • Konzekerani bwino, mucimbakumbukira mbali zomwe nyakupfunza wanuyo an’funikira thandizo. Konzekerani mibvunzo yakuthumizira yomwe ingakuthandizeni kuzindikira bzomwe iye ambakumbuka na momwe ambabvera pa nkhaniyo.—Mim 20:5; be-CN tsa. 259

  • Phatisani basa makwadru ya m’bukhuli kuti muthandize nyakupfunza wanu kuwona kufunika kwa kuphatisa basa mitemo ya m’Bibliya

  • Thandizani nyakupfunza wanu kumbaphatisa basa cikumbu-mtima cace, m’mbuto mwa kumbamusankhulira bzakucita.—Wag 6:5

  • Zindikirani penu nyakupfunza wanu ankufunika thandizo pa kuphatisa basa mitemo ya m’Bibliya. Muthandizeni kuti acite macinjidwe pa moyo wace thangwe ra lufoyi lomwe analo kwa Yahova.—Mim 27:11; Ju 14:31