Bzimogeni bzinthu bzimwebzi

Ndokoni pa mbuto ya misolo ya nkhani

 KUKHALA NA MOYO WACIKRISTAU

Lekani Kuyebwa bza Mkazi wa Loti

Lekani Kuyebwa bza Mkazi wa Loti

N’thangwe ranyi mkazi wa Loti adanyang’ana m’mbuyo pomwe akhathawa ku Sodoma? Bibliya limbalewa lini. (Ciy 19:17, 26) Jezu adalewa bza mcenjezoyu, pakufuna kulatiza kuti pinango mkazi wa Loti akhafunisisa kwene-kwene bzinthu bzomwe akhadasiya m’mbuyo. (Lu 17:31, 32) Kodi tingatcenkhe tani kuluza uxamwali bwathu na Mulungu ninga momwe adacitira mkazi wa Loti? Tin’funika lini kuikha cuma ayai bzinthu bzakuthupi pa mbuto yakuyamba pa moyo wathu. (Mat 6:33) Jezu adalewa kuti ‘mungakwanise lini kuphatira basa Mulungu na kuphatira basa cuma pa nthawe ibodzi-bodzi.’ (Mat 6:24) Tsono kodi tingacite tani tikawona kuti bzinthu bzakuthupi bzinkutidzongera nthawe yakucita bzinthu bzauzimu pa moyo wanthu? Tingapembe kwa Yahova kuti atipase mphanvu na kutithandiza kuwona bzomwe tingacinje.

MWAKUPHATISA BASA MBALI ZITATU ZA VIDIYO YAKUTI LEKANI KUYEBWA BZA MKAZI WA LOTI, TAWIRANI MIBVUNZO YAKUTEWERAYI:

Kodi ndingalatize tani m’bzicito bzangu kuti ndikuyebwa lini bzomwe bzidacitikira ‘mkazi wa Loti’?

  • Kodi kungingimizidwa komwe Glória adacitidwa kuti alinge kobiri zizinji, kudatokonya tani kakumbukidwe, kalalewedwe na bzicito bzace?

  • Kodi bzomwe bzidacitikira mkazi wa Loti bzinkutipasa cenjezo liponi nsiku zathu zino?

  • Kodi kuphatisa basa nfundo za m’Bibliya kudathandiza tani Djo na banja lace?

  • Kodi wanthu omwe Ana akhabverana nawo kubasa adatokonya tani moyo wace wauzimu?

  • N’thangwe ranyi tin’funika kukhwimika penu tinkungingimizidwa kulinga cuma pa moyo wathu?

  • Kodi Beni na Glória adacita ciyani kuti ayambe pomwe kuikha bzinthu bzauzimu pa mbuto yakuyamba?

  • Kodi ni nfundo ziponi za m’Bibliya zomwe mwaziwona m’vidiyomu?