Bzimogeni bzinthu bzimwebzi

Ndokoni pa mbuto ya misolo ya nkhani

 KUKHALA NA MOYO WACIKRISTAU

Jezu Adaferambo M’bale Wanu

Jezu Adaferambo M’bale Wanu

Jezu adafera wanthu wakuperewera. (War 5:8) Ndipo mpsakusaya kupenukira kuti imwepo mumbatenda Jezu thangwe ra lufoyi lomwe adatilatiza pakupereka moyo wace kuti atipulumuse. Na tenepo, nthawe zense tin’funika kumbakumbukira kuti Kristu adaferambo abale wathu. Kodi tingalatize tani lufoyi ninga la Kristu kwa mpfumakazi na abale omwe ni wanthu wakuperewera ninga ife? Mbatiwoneni bzinthu bzitatu bzomwe tingacite. Cakuyamba, tin’funika kucita uxamwali na abale wakusiyana-siyana kuphatanidzambo wale omwe tidasiyana nawo cikhalidwe. (War 15:7; 2Wak 6:12, 13) Caciwiri, tin’funika kusamala na bzomwe timbacita na bzomwe timbalewalewa kuti tileke kukalipisa winango. (War 14:13-15) Ndipo cakumalizira, munthu akatiphonyera tin’funika kumulekerera mwakamfulumize. (Lu 17:3, 4; 23:34) Tikacita nyongo yakutewezera Jezu mu njira zimwezi, Yahova an’dzapitiriza kusimba gwere kuti likhale na mtendere na ciphatano.

ONANI VIDIYO YAKUTI MBAWONANI BZINTHU MWAKUTHEMERA! MUKAMALA TAWIRANI MIBVUNZO YAKUTEWERAYI:

  • Kodi Miki akhabzibva tani pomwe adayamba kufika m’gwere lipsa?

  • N’ciyani comwe cidamucitisa kucinja momwe akhawonera bzinthu na kupita na nthawe?

  • Kodi ciratizo ca Jezu, cidathandiza tani Miki kucinja momwe akhambawonera bzinthu? (Mar 14:38)

  • Kodi Mimwani 19:11 angatithandize tani kumbawona anzathu mwakuthemera?