Bzimogeni bzinthu bzimwebzi

Ndokoni pa mbuto ya misolo ya nkhani

 BZIPEREKENI MU UTUMIKI BWAKUMUNDA

Kampanya Yakugawira Mcemo wa Mtsonkhano wa Cigawo

Kampanya Yakugawira Mcemo wa Mtsonkhano wa Cigawo

Gole liri-lense, timbayambizira kukonzekera madyo ya uzimu yomwe timbakondwa nayo ku mtsonkhano wathu wa cigawo. Tenepo kuti winango adzakwanise kulawidzambo ubwino bwa Yahova, ifepano tin’dzacemera wanthu azinji womwe tingakwanise kuti adzakhale nafe pabodzi. (Psal 34:8) Bungwe la akulu liri-lense lin’funika kudzakonza njira yabwino ya kugawira mcemo.

NFUNDO ZAKUFUNIKA KUZIKUMBUKIRA

  • Kodi mtsonkhano wangu uli lini?

  • Kodi ni lini pomwe kampanya iniyamba m’gawo lathu?

  • Ni lini pomwe titi timbadzatsonkhane kuti tiyende mu utumiki bwa kumunda?

  • Kodi bzakulinga bzangu mpsiponi pa kampanyayi?

  • Kodi mbani womwe ndin’funa kudzawacemera?

BZOMWE MUNGADZALEWE

Pambuyo pa kumusana na munthuyo, mungalewe kuti:

“Tinkucita kampanya yomwe inkucitika pa dziko lense la pansi ya kugawira mcemo wa mtsonkhano wakufunika kwene-kwene. Nsiku, nthawe na mbuto bzidanembedwa mu mcemoyu. Ifepano tin’dzakomedwa kwene-kwene mukadzabwera kudzatsonkhana nafe.”

BZOMWE MUNGACITE KUTI MUNTHU ADZAFUNISISE KUDZIWA BZIZINJI!

Napo tin’funa kucemera wanthu azinji ku mtsonkhano wa cigawo, tin’funikambo kukhala tceru na wale womwe ankufunisisa kudziwa bzizinji.

Kuphampha kwa mdzinga, mungagawire marevista na mcemo.