Bzimogeni bzinthu bzimwebzi

Ndokoni pa menu yaciwiri

Ndokoni pa mbuto ya misolo ya nkhani

Mboni za Yahova

Cinyungwe

Kabukhu ka Mitsonkhano wa Moyo Wathu Wacikristau na Utumiki  |  Abril 2016

 KUKHALA NA MOYO WACIKRISTAU

Njira Ipsa ya Kuyambisira Maceza

Njira Ipsa ya Kuyambisira Maceza

Kuyambira Janeiro 2016, tsamba lakumalizira la Nsanza ya Mulindiri yakugawira imbabwera na msolo kuti “Kodi Bibliya Limbalewa Ciyani?” Mbali ipsayi yakonzedwa kuti itithandize kuyambisa maceza pa nkhani za m’Bibliya. Yakonzedwa mwakundendemerana na tumatsamba twathu. Pana mbvunzo wakucitisa munthu kulewa makumbukidwe yace, vesi lomwe linkupereka mtawiro na nfundo zinango zakuthumizira pa macezayo.

Maceza yabwino yakucokera mu nkhani za m’Bibliya kazinji yambamalizira na kuyambisidwa kwa pfunziro la Bibliya. Phatisani basa njira ipsayi kuti muthandize wanthu azinji kumalisa njala yawo yauzimu.—Mat 5:6.

MOMWE MUNGAPHATISIRE BASA NJIRA IMWEYI:

  1. Bvunzani mweneciro mui m’bodzi mwa mibvunzo yomwe iri pa tsambalo

  2. Tetekerani pomwe ankupereka mtawiro ndipo mutendeni

  3. Werengani vesi lomwe liri pansi pa msolo wakuti “Bzomwe Bibliya Limbalewa” ndipo mukumbireni kuti afotokoze makumbukidwe yace pa bzomwe bzawerengedwa pa vesiro. Penu iye ana nthawe, pitirizani macezayo, mwa kuphatisa basa nfundo zomwe ziri pansi pa kamsolo kakuti “Kodi N’bziponi Bzinango Bzomwe Tingapfunze Kucokera M’Bibliya?”

  4. Gawirani revistayo

  5. Bveranani bza kudzabwerera kuti mudzacezerane mbvunzo wakutewera